Maet Meri i go fastaem long ol narafala woman taem oli kasem tomb ya. Nao hem i stanap kwaet, from we i sek. !Ston we i blokem maot blong tomb ya i kamaot finis—mo tomb ya i emti finis! Meri i wan woman blong tekem aksen, hem i ron i gobak blong talemaot long Pita mo Jon, samting we hem i luk. Yu traem tingbaot we hem i stap pulum nogud win blong hem mo i talem se: “Oli tekemaot bodi blong Masta long tomb ya, mo yumi no save se oli putum long weples.” Pita mo Jon i ron i go long tomb, mo jekem sipos i emti, biaen tufala i gobak long haos blong tufala.a—Jon 20:1-10.