• ?Jehova i Olsem Wanem?
    !Enjoem Laef Olwe!​—Baebol Kos

    • 3. ?Olsem wanem Jehova i soem se i lavem yumi?

      Bigfala fasin blong Jehova, hemia lav. Blong talem stret, “God hem i lav.” (1 Jon 4:8) Jehova i soem lav blong hem tru long Baebol, be i no hemia nomo, hem i soem tru long ol samting we hem i krietem tu. (Ridim Ol Wok 14:17.) Eksampol, tingbaot olsem wanem hem i wokem yumi. Hem i mekem se yumi naf blong luk ol naesfala kala, harem ol gudfala miusik, mo testem ol nambawan kakae. Hem i wantem se yumi enjoem laef.

  • Glad Long Presen Blong Laef
    !Enjoem Laef Olwe!​—Baebol Kos

    • 1. ?From wanem yumi mas tinghae long laef?

      Yumi sud glad o tinghae long laef, from we hemia wan presen we i kamaot long Papa blong yumi Jehova. Hem i “stamba blong laef,” from we hem nao i givim laef long olgeta samting. (Ol Sam 36:9) “Hem nomo i givim laef long olgeta man, mo i givim win we oli pulum, mo i givim olgeta samting.” (Ol Wok 17:25, 28) Jehova i givim samting we yumi nidim blong yumi stap laef. Be i no hemia nomo, hem i mekem sam samting tu blong yumi save enjoem laef ya.—Ridim Ol Wok 14:17.