-
Laef Bakegen—!Wan Trufala Hop!Wajtaoa (Stadi)—2020 | Disemba
-
-
Jisas i faswan man blong laef bakegen mo go long heven (Haf 15-16)b
15. ?Hu ya “olgeta man” we “bambae oli laef bakegen”?
15 Makem we Pol i se “olgeta man we oli joen long Kraes bambae oli laef bakegen.” (1 Kor. 15:22) Pol i raetem leta ya i go long ol tabu Kristin long Korin, we bambae oli laef bakegen long heven. Ol Kristin ya, ‘God i mekem olgeta oli tabu, blong oli save mekem wok olsem ol disaepol blong Kraes Jisas.’ Mo Pol i tokbaot “olgeta ya tu we oli joen long Kraes be oli stap slip long ded.” (1 Kor. 1:2; 15:18; 2 Kor. 5:17) Long wan narafala leta, Pol i talem long olgeta we oli “ded olsem [Jisas]” se bambae oli ‘laef bakegen tu olsem Kraes, nao long fasin ya, oli joen wetem Kraes.’ (Rom 6:3-5) Jisas i laef bakegen long wan spirit bodi mo i go long heven. Mo hemia semfala samting we bambae i hapen long olgeta tabu Kristin we oli “joen long Kraes.”
-
-
Laef Bakegen—!Wan Trufala Hop!Wajtaoa (Stadi)—2020 | Disemba
-
-
17. ?Wetaem olgeta we “oli joen wetem Kraes” oli kasem pei blong olgeta long heven?
17 Olgeta ya we oli “joen long Kraes” oli no laef bakegen yet taem Pol i raet i go long ol Kristin long Korin. Be, Pol i talem se samting ya bambae i hapen long fiuja: “Olgeta wanwan bambae oli laef bakegen, be long oda: Faswan, hemia Kraes we i olsem fasfrut blong garen, mo biaen, olgeta man blong Kraes bambae oli laef bakegen long taem we hem i stap.” (1 Kor. 15:23; 1 Tes. 4:15, 16) Tede yumi laef long taem ya we “[Kraes] i stap” olsem profet tok i talem. Ol aposol mo ol narafala tabu kristin we oli ded finis, oli mas wet go kasem taem ya blong oli ‘laef bakegen olsem Jisas, nao long fasin ya, oli joen wetem hem’ mo kasem pei blong olgeta long heven.
-