• ?God Hem i Hu?
    !Enjoem Laef Olwe!​—Baebol Kos

    • 4. Jehova i wantem se yu save nem blong hem mo yu yusum

      ?Wanem i soem se Jehova i wantem we yu save nem blong hem? Plei VIDEO, mo tokbaot kwestin ya.

      VIDEO: ?Wanem Nem Blong God?—Wan Smol Haf (3:11)

      Wan pija long video ya ‘?Wanem Nem Blong God?—Wan smol haf.’ Wan man i jekem nem blong God, Jehova, long Ol Sam 83:18 long ‘King James Version’ blong 1611.

      • ?Yu ting se from wanem Jehova i wantem se ol man oli save nem blong hem?

      Jehova i wantem se ol man oli yusum nem blong hem. Ridim Rom 10:13, mo tokbaot ol kwestin ya:

      • ?From wanem i impoten blong yusum nem blong God, Jehova?

      • ?Yu yu harem olsem wanem taem wan man i tingbaot nem blong yu mo i yusum?

      • ?Yu ting se Jehova i harem olsem wanem taem yu yusum nem blong hem?

  • Ol Relijen Oli Giaman Long Saed Blong God
    !Enjoem Laef Olwe!​—Baebol Kos

    • 1. ?Olsem wanem tijing blong ol relijen i giaman?

      Ol giaman relijen oli “jusum blong bilif long giaman tok, i bitim we oli bilif long trutok blong God.” (Rom 1:25) Eksampol, plante relijen oli no tijim nem blong God long ol man. Be Baebol i talem se, yumi mas yusum nem blong God. (Rom 10:13, 14) Taem wan samting nogud i hapen, sam lida blong skul oli talem se hemia wil blong God. Be tok ya i giaman. God i no stamba blong ol nogud samting. (Ridim Jemes 1:13.) Sore tumas, ol giaman tijing olsem oli mekem ol man oli gowe long God.