Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • “God Bambae i Mekem Ol Ded Man Oli Laef Bakegen”
    Wajtaoa—1998 | 1 Julae
    • 7. (a) ?Pol i tokbaot wanem stampa poen? (b) ?Hu i bin luk Jisas afta we hem i laef bakegen long ded?

      7 Long vas wan mo tu long 1 Korin japta 15, Pol i talemaot bigfala poen blong tok ya blong hem, i se: ‘Ol brata mo sista. Mi mi wantem talemaot gud nyus ya bakegen long yufala we mi talemaot finis long yufala bifo. Gud nyus ya, yufala i kasem finis, nao bilif blong yufala i stap stanap strong long hem yet. From gud nyus ya, God bambae i sevem yufala, . . . be bambae hem i no sevem yufala sipos yufala i bilif blong nating nomo.’ Sipos ol Kristin long Korin oli no stanap strong long gud nyus ya, oli kasem trutok blong nating nomo. Pol i gohed i se: “Ol prapa tok ya blong bilif blong yumi, we mi mi kasem fastaem, mi mi talemaot olgeta finis long yufala bifo. Hemia nao ol tok ya. Kraes i ded finis blong tekemaot ol sin blong yumi, olsem we Baebol i talem. Olgeta oli berem hem finis. Be long namba tri dei blong hem, hem i laef bakegen long ded, olsem we Baebol i talem. Nao biaen, hem i kamtru long Pita, mo biaen, hem i kamtru long ol twelef man blong hem. Biaen hem i kamtru long wan kampani blong ol man blong hem we oli moa long faef handred man, nao olgeta evriwan oli luk hem wantaem. Sam long kampani ya oli [slip finis long ded], be bighaf blong olgeta oli stap laef yet. Biaen hem i kamtru long Jemes, nao biaen bakegen i kamtru long olgeta aposol blong hem. Biaen long olgeta ya, hem i kamtru long mi ya we mi olsem pikinini we i no bon long stret taem blong hem.”​—1 Korin 15:​3-8.

  • “God Bambae i Mekem Ol Ded Man Oli Laef Bakegen”
    Wajtaoa—1998 | 1 Julae
    • 9 Kraes i kamtru tu long wan bigfala kampani blong ol man blong hem, “we oli moa long faef handred.” Long Galili nomo, i gat ol bigfala grup blong man olsemia we oli folem Jisas. Taswe, maet taem ya i stret long hemia we Matyu 28:​16-​20 i tokbaot, we Jisas i givim oda long ol man blong hem, blong oli go pulum ol narafala man oli kam disaepol blong hem. !Bigfala grup blong man ya oli save givim wan nambawan wetnes! Sam long olgeta oli laef yet i stap long 55 K.T., taem Pol i raetem faswan leta blong hem i go long ol Kristin long Korin. Be, makemgud se, hem i tokbaot olgeta we oli ded, se “oli slip finis long ded.” Olgeta ya, oli no laef bakegen long ded yet, blong kasem gudfala laef long heven.

Ol buk long Bislama (1987-2026)
Logaot
Login
  • Bislama
  • Serem
  • Setemap Olsem Yu Wantem
  • Copyright © 2025 Watch Tower Bible and Tract Society of Pennsylvania
  • Ol Rul
  • Privacy Policy
  • Privacy Settings
  • JW.ORG
  • Login
Serem