• ?Baebol i Talem Wanem Long Saed Blong Singel Mo Mared?
    !Enjoem Laef Olwe!​—Baebol Kos

    • 5. Jusum gud patna blong yu

      Desisen ya blong jusum patna blong yu hem i wan long ol impoten desisen long laef. Ridim Matiu 19:4-6, 9, mo tokbaot kwestin ya:

      • ?From wanem wan Kristin i no mas hariap blong mared?

      Baebol i save halpem yu blong luksave ol fasin blong wan gudfala patna. Be samting we i moa impoten, hemia blong faenem wan patna we i lavem Jehova.b Ridim 1 Korin 7:39 mo 2 Korin 6:14. Biaen, tokbaot ol kwestin ya:

      • ?From wanem wan Kristin i mas mared nomo long wan man blong Masta?

      • ?Jehova bambae i harem olsem wanem sipos yumi jusum blong mared long wan man we i no lavem Hem?

      Wan yok i fasem wan strong bul mo wan dongki we tufala i traehad blong wok tugeta.

      Sipos oli putum wan yok long tu defren animol blong oli wok wanples, bambae tufala i safa. Sem mak, Kristin we i mared long wan we i no bilif, bambae hem i gat plante problem