Jehova i wan God blong oda, hem i no wok olbaot. (1 Korin 14:33) Taswe yumi ekspektem tu se ol man blong hem oli mas wok folem oda. ?Olsem wanem oli oganaesem ol wok blong kongregesen? ?Mo olsem wanem yumi save sapotem ol wok ya?

1. ?Hu i lida blong kongregesen?

“Kraes i hed blong kongregesen.” (Efesas 5:23) Hem i stap long heven mo i lidim ol wok we ol man blong Jehova oli stap mekem long fulwol. Jisas i putumap “gudfala slef we i waes,” hemia wan smol grup blong ol elda we oli gat ekspiriens mo oli karem nem ya, Hed Kampani. (Ridim Matiu 24:45-47.) Olsem ol aposol mo ol elda we oli stap givim advaes long evri kongregesen long taem blong ol fas Kristin, tede Hed Kampani i stap givim daereksen long evri kongregesen long wol. (Ol Wok 15:2) Be ol man ya oli no lida blong oganaesesen blong mifala. Olgeta oli lukluk i go long Jehova mo tok blong hem blong i lidim olgeta mo oli tingbaot Jisas se i lida blong olgeta.

2. ?Wanem wok blong ol elda?

Ol elda oli ol man we oli bigman long spirit mo oli stap yusum Baebol blong tij. Mo tu, oli stap visitim ol man blong Jehova blong halpem mo enkarejem olgeta. Oli no kasem pei from wok we oli mekem. Be oli ‘glad nomo blong mekem long fes blong God. Mo oli no mas mekem blong kasem samting, be oli mas mekem from we oli wantem tumas blong mekem.’ (1 Pita 5:1, 2) Ol man blong givhan oli ol man we oli stap givhan long ol elda, mo biaen taem oli kasem sam mak, oli save kam elda tu.

Hed Kampani i putumap sam elda blong oli kam ol eria elda. Nao ol eria elda ya oli stap visitim ol defdefren kongregesen blong givim advaes mo enkarejem olgeta. Mo oli putumap ol elda mo man blong givhan sipos oli kasem ol mak we Baebol i tokbaot.—1 Timoti 3:1-10, 12; Taetas 1:5-9.

3. ?Wanem responsabiliti blong evri Witnes?

Evriwan long kongregesen oli “presem nem blong Jehova” taem oli joen mo tekpat long ol miting, mo taem oli joen long wok blong prij olsem we oli naf blong mekem.—Ridim Ol Sam 148:12, 13.

DIGIM MOA

4. Jisas i wan lida we i kaen

Jisas i givim wan naesfala invetesen long yumi. Ridim Matiu 11:28-30, mo tokbaot kwestin ya:

• ?Jisas i wanem kaen lida? ?Hem i wantem se yumi harem olsem wanem?

VIDEO: Ol Elda Oli Givhan Long Taem Blong Etkwek Long Nepal (4:56)

Baebol i tokbaot klia wok we ol elda oli mas mekem.

Ridim Aesea 32:2 mo 1 Pita 5:1-3, mo tokbaot ol kwestin ya:

• ?Yu yu harem olsem wanem taem yu luk we ol elda oli traehad blong kaen long ol narafala olsem Jisas?

• ?Wanem sam narafala samting we ol elda oli mekem blong folem fasin blong Jisas?

5. Ol elda oli soem eksampol

VIDEO: !Ol Elda Oli Lidim Yumi! (7:39)

Jisas i soem wan eksampol blong olgeta we oli stap lidim kongregesen. Ridim Matiu 23:8-12, mo tokbaot ol kwestin ya:

• ?Wanem rul we Baebol i talem blong ol elda oli folem? ?Yu ting se ol lida blong skul oli stap folem samting we Baebol i talem?

1. Wan elda i mas strong long spirit mo mekem famle blong hem tu i strong

2. Wan elda i kea long evriwan long kongregesen

3. Wan elda i prij oltaem

4. Wan elda i man blong tij. Mo hem i givhan tu blong klinap mo mekem ol nara wok

6. Yumi save wok gud wetem ol elda

Baebol i talem from wanem i impoten blong wok gud wetem ol elda. Ridim Hibru 13:17, mo tokbaot ol kwestin ya:

• Folem vas ya, ?from wanem i impoten blong obei long olgeta we oli stap lidim yumi? ?Wanem tingting blong yu long advaes ya?

Ridim Luk 16:10, mo tokbaot kwestin ya:

• ?From wanem yumi mas obei long ol elda nating sipos yumi ting se samting we oli askem i no impoten?

SAMARI

Jisas i hed blong kongregesen. Mo ol elda oli obei long hem, taswe yumi glad blong wok gud wetem olgeta from we oli kaen mo oli soem gudfala eksampol long yumi.

Tingtingbak

• ?Hu i hed blong kongregesen?

• ?Olsem wanem ol elda oli halpem kongregesen?

• ?Wanem responsabiliti blong olgeta we oli wosipim Jehova?

FAENEMAOT

Luk pruf we i soemaot se Hed Kampani mo ol elda oli kea long ol Kristin tede.

Halpem Ol Brata We Gavman i Blokem Olgeta (4:22)

Luk wok we ol eria elda oli stap mekem.

Laef Blong Wan Eria Elda Aotsaed Long Taon (4:51)

Faenemaot wok we ol woman oli mekem insaed long kongregesen.

“Do Jehovah’s Witnesses Have Women Ministers?” (Wajtaoa, 1 Septemba 2012)

Faenemaot wok we ol elda oli mekem blong enkarejem ol brata sista blong olgeta.

“Ol Elda Oli Wok Wetem Yumi Blong Mekem Yumi Glad” (Wajtaoa, 15 Jenuware 2013)

1. ?Baebol i givim wanem advaes long ol hasban?

Jehova i jusum hasban blong i hed blong famle. (Ridim Efesas 5:23.) Mo hem i ekspektem hasban blong mekem ol desisen we bambae i givhan long famle. Baebol i talem long ol hasban se: “Yufala i mas gohed blong lavem waef blong yufala.” (Efesas 5:25) ?Hemia i minim wanem? Wan hasban we i gat lav, bambae i kaen long waef blong hem taem tufala i stap wetem ol narafala mo taem tufala nomo i stap. Mo bambae hem i traehad blong mekem se waef blong hem i stap sef mo i hapi oltaem. Mo tu, hem i mas givim ol samting we waef blong hem i nidim. (1 Timoti 5:8) Samting we i moa impoten se hem i mas halpem waef, blong i frengud wetem Jehova. (Matiu 4:4) Eksampol, hem i save prea mo ridim Baebol wetem waef blong hem. Taem wan hasban i lukaot gud long waef blong hem, bambae hem i gohed blong frengud wetem Jehova.—Ridim 1 Pita 3:7.

Jisas i Hed blong Kristin kongregesen. (Efesas 5:23) Tede Jisas i stap long heven mo i yusum “gudfala slef we i waes” blong daerektem ol man blong hem long wol. (Ridim Matiu 24:45.) Jisas i putumap “slef” ya mo i givim sam otoriti long hem. Be hem i stil wan slef blong Kraes mo i lukaot long ol brata blong Kraes. ?Slef ya hem i hu? ?Olsem wanem hem i lukaot long yumi?