-
Baptaes i Wan Impoten Mak!Enjoem Laef Olwe!—Baebol Kos
-
-
3. ?Wan man i mas mekem wanem blong i save baptaes?
Bifo we wan man i baptaes, hem i mas savegud Jehova mo bilif strong long hem. (Ridim Hibru 11:6.) Sipos save mo bilif blong yu i kam bigwan moa, bambae yu lavem Jehova moa. Nao bambae yu wantem tokbaot hem mo folem ol loa blong hem. (2 Timoti 4:2; 1 Jon 5:3) Taem fasin blong man i “stret olsem we Jehova i wantem, blong mekem hem i glad” bambae man ya i wantem blong givim laef blong hem long God mo baptaes.—Kolosi 1:9, 10.a
-
-
Baptaes i Wan Impoten Mak!Enjoem Laef Olwe!—Baebol Kos
-
-
a Sipos wan man i baptaes finis long wan narafala skul, hem i mas baptaes bakegen. ?From wanem? From skul ya i no stap tijim ol trutok blong Baebol.—Luk Ol Wok 19:1-5 mo Lesen 13.
-
-
?Yu Yu Rere Blong Baptaes?!Enjoem Laef Olwe!—Baebol Kos
-
-
1. ?Yu mas gat plante save bifo we yu baptaes?
Blong baptaes, yu nidim blong “kasem stret save long trutok.” (1 Timoti 2:4) Hemia i no min se bifo we yu baptaes, yu mas save ansa blong evri kwestin long saed blong Baebol. Ol Kristin we oli baptaes longtaem finis, oli stap gohed yet blong lanem samting. (Kolosi 1:9, 10) Be yu mas save sam stamba tijing blong Baebol. Ol elda long kongregesen bambae oli givhan long yu blong luk sipos yu gat inaf save.
-