• Oli wosip, be oli gat tu fes. Plante moa man oli ‘mekem olsem se oli ona long God long fes blong ol man.’ (2 Timoti 3:5) Oli no mekem samting we God i wantem, be oli folem tingting blong ol lida blong skul, from we ol lida oli talem ol tok nomo we ol man ya oli glad blong harem.—2 Timoti 4:3, 4.

?Yumi mas mekem wanem, taem fasin blong ol man i kam moa nogud?

Tok blong God i talem se: “Stap longwe long ol man olsem.” (2 Timoti 3:5, Easy-to-Read Version) Hemia i no min se yumi mas stap yumi wan nomo, be yumi no mas fren gud wetem olgeta we oli selfis mo oli no ona long God.—Jemes 4:4.