• Baebol i Mesej Blong God We i Kam Long Yumi
    !Enjoem Laef Olwe!​—Baebol Kos

    • 1. ?Sipos ol man oli raetem Baebol, from wanem yumi talem se i kam long God?

      I gat samwe 40 man oli raetem Baebol mo i tekem bitim 1,600 yia blong raetem, stat long 1513 B.K.T. go kasem 98 K.T. Ol man ya oli blong defdefren bakgraon. Nating se i olsem, evri buk blong Baebol oli joen gud. ?Olsem wanem i posibol? From we i kamaot long God. (Ridim 1 Tesalonaeka 2:13.) Ol man ya oli no raetem tingting blong olgeta. Be “tabu spirit i putum tok ya long tingting blong olgeta, nao oli talemaot tok we i kamaot long God.”a (2 Pita 1:21) God i yusum tabu spirit blong givim tingting o pulum olgeta blong oli raetem ol tingting blong hem.—2 Timoti 3:16.

  • ?Jehova i Olsem Wanem?
    !Enjoem Laef Olwe!​—Baebol Kos

    • 4. Tabu spirit—paoa blong God

      Ol pija: Ol samting we tabu spirit i mekem. 1. Ol planet mo yunives. 2. Wan man blong raetem Baebol, i raetem tingting blong God long wan skrol.

      Yumi yusum han blong yumi blong mekem wok, long sem fasin, Jehova i yusum tabu spirit blong hem. Baebol i soem se tabu spirit i no wan man, be hem i paoa we God i yusum blong mekem ol wok. Ridim Ol Wok 2:17; 6:3, mo tokbaot ol kwestin ya:

      • God i save “kafsaedem” tabu spirit, mo ol man oli save “fulap” long tabu spirit. ?So yu ting se tabu spirit i wan man? ?From wanem yu ansa olsem?

      Jehova i yusum tabu spirit blong wokem ol nambawan samting. Ridim Ol Sam 33:6 mo 2 Pita 1:20, 21, mo tokbaot kwestin ya:

      • ?Jehova i yusum tabu spirit blong hem long wanem rod bakegen?

      Ol pija: Ol samting we tabu spirit i mekem. 1. Ol planet mo yunives. 2. Wan man blong raetem Baebol, i raetem tingting blong God long wan skrol.