• !“Faet Strong Blong Holem Trutok”!
    Wajtaoa—1998 | 1 Jun

    • 5. ?Jud i talem tok blong wanem profet blong bifo, mo olsem wanem profet tok ya i soemaot se hem i sua blong kamtru?

      5 Jud i gohed blong tokbaot wan jajmen we i bigwan moa yet. Hem i talemaot profet tok blong Inok​—ol tok we yumi no save faenem long wan narafala ples blong Baebol.a (Jud 14, 15) Inok i talemaot wan taem we Jeova bambae i jajem ol man we oli no obei long hem mo ol samting nogud we oli mekem. Yumi intres long poen ya se, Inok i tok olsem we jajmen ya i kamtru finis. Hem i save tok olsem, from we ol jajmen blong God oli sua blong kamtru, i olsem se oli kamtru finis. Ating ol man oli laf long Inok, mo sam yia biaen, oli laf long Noa tu. Be, ol man ya blong jikim tufala, oli draon olgeta long Bigfala Wora we i ron.

  • !“Faet Strong Blong Holem Trutok”!
    Wajtaoa—1998 | 1 Jun

    • a Sam man blong stadi dip long saed ya, oli talem se Jud i yusum tok blong wan buk we i no stap long Baebol, hemia Buk blong Inok. Be, R. C. H. Lenski i talem se: “Yumi askem se: ‘?Wanem stampa blong Buk blong Inok ya we i fulap long ol smosmol pis blong save we oli olbaot nomo?’ Buk ya i fulap long save we i kam long ol ples afsaed long Baebol, mo i no gat man we i sua long wanem taem stret oli raetem ol wanwan haf blong hem. I no gat man i sua tu, se sam tok long buk ya oli kamaot long Jud hem wan no olsem wanem.”