• Ol Relijen Oli Giaman Long Saed Blong God
    !Enjoem Laef Olwe!​—Baebol Kos

    • 2. ?Olsem wanem aksen blong ol relijen i no stret?

      Ol giaman relijen oli tritim nogud ol man, oli no folem fasin blong Jehova. Baebol i talem se “ol sin blong [ol giaman skul] oli hivap gogo kasem heven.” (Revelesen 18:5) Blong plante handred yia, ol relijen oli joen long politik, oli sapotem ol wo, mo oli kosem ded blong plante milian man. Sam lida blong skul, oli wantem kam rij taswe oli askem mane long ol man. Aksen blong olgeta i pruvum se oli no savegud God, taswe oli no gat raet blong mekem wok blong hem.—Ridim 1 Jon 4:8.

  • Holemstrong Long Jehova
    !Enjoem Laef Olwe!​—Baebol Kos

    • Plei VIDEO.

      VIDEO: !Kamaot Long Bigfala Babilon! (5: 06)

      Wan pija long video ya ‘!Kamaot Long Bigfala Babilon!’ Wan Baebol Stadi i aot long pris afta we hem i lego wok blong hem long jos.

      Ridim Luk 4:8 mo Revelesen 18:4, 5, mo tokbaot ol kwestin ya:

      • ?Mi mi stap yet olsem memba long lis blong wan giaman relijen?

      • ?Mi mi memba blong wan oganaesesen we i joen wetem wan relijen?

      • ?Wok we mi mekem i sapotem wan giaman relijen?

      • ?I gat sam narafala samting we mi mas lego, from we i joen wetem giaman relijen?

      • Sipos mi talem yes long wan long ol kwestin ya, ?mi mas mekem wanem?

      Long eni desisen we yu tekem, yu mas mekem sua se tingting blong yu i no jajem yu from mo desisen ya i soem se yu holemstrong long Jehova.

      Wan sista wetem boe blong hem oli kamaot long wan stoa. Oli wokbaot klosap long wan woman we i stap askem mane blong givhan long jos blong hem.

      ?Bambae yu mekem wanem sipos oli askem yu blong givim sam samting blong sapotem wan relijen?

      SAM MAN OLI SE: “Mi mas save ol samting we ol apostasi oli talem, olsemia mi save difendem trutok.”