?Yu Gat Evri Yearbook?

Olgeta buk ya, Yearbook of Jehovah’s Witnesses, oli nambawan tumas blong ridim. Ol gudfala ripot long saed blong wok blong talemaot Kingdom long fulwol oli bildimap tras we yumi gat long Jeova blong lidim, protektem mo blesem ol man blong hem. Mifala i gat sam Yearbook long Inglis blong yia 1986, 1987, mo 1990 kasem 1998. I gat sam kopi long Franis blong ol yia 1997 kasem 2000. Ol Yearbook oli tokbaot ol nambawan stori blong wok blong talemaot Kingdom long Benin, Bolivia, Brasil, Briten, Denmak, Gris, Guadelup, Haiti, Hangeri, Honduras, Japan, Jek Ripablik, Jemani, Kenia, Madagaska, Maekronisia, Malawi, Malesia, Matinik, Meksiko, Mozambik, Naejeria, Netalan, Paragwae, Polan, Puerto Riko, Saepras, Solomon Aelan, Switselan, Trinidad, Veneswela mo Yurugwae. I gud blong jekem sipos i gat sam long ol Yearbook we yu no bin kasem. Brata we i lukaot long Tiokratik Skul i mas jekem laebri blong Haos Kingdom blong luk sipos i gat ol kopi ya. Eni pablisa no kongregesen we oli wantem kasem ol Yearbook oli save askem long brata ya we i lukaot ol buk blong kongregesen.