Miting Blong Kingdom Wok Blong Epril

Wik We i Stat Long Epril 5

Singsing 55

10 menet: Lokol mesej. Sam Advaes long Kingdom Wok Blong Yumi. Sipos i stret long ples blong yufala, lukluk haf ya “?Yumi Save Seremaot Buk Ya Creator?” Singaot olgeta we oli intres blong kam long spesel pablik tok long Epril 18. Stamba blong hem se, “Trufala Fasin Fren Wetem God mo Ol Man Raonabaot Long Yumi.”

15 menet: “Yumi Wantem Tumas Blong Talemaot Gud Nius.” Askem olgeta we oli stap lesin blong tekem haf ya, mo askem kwestin long olgeta. Biaen, leftemap tingting blong evriwan wetem ol tok we oli kamaot long School Guidebook, pej 191-192, paragraf 12-​13.

20 menet: “Olsem Wanem Evriwan Long Famle Oli Wok Tugeta​—Long Wok Blong Prij.” Wan famle i storeyan. Tokbaot from wanem famle i mas tingbaot wok blong prij olsem haf blong program blong olgeta evri wik, we oli joen oltaem long hem. Lukluk ol tok blong leftemap tingting insaed long Wajtaoa blong Septemba 1, 1993, pej 17-​19, paragraf 9-​12. Askem sam papa mama blong talem olsem wanem oli mekem plan blong famle blong olgeta i save joen long wok blong prij evri wik.

Singsing 67 mo laswan prea.

Wik We i Stat Long Epril 12

Singsing 112

10 menet: Lokol mesej. Ripot blong ol kaon.

15 menet: Lokol nid.

20 menet: “Gohed Strong Blong Givim Witnes Taem En i Stap Kam Klosap.” Kwestin mo ansa. Askem kwestin long wan no tu pablisa we bifo tufala i neva gat tingting blong joen long wok blong prij, be naoia tufala i prij oltaem from we tufala i luksave se i impoten tumas blong talemaot mesej blong Kingdom. Sipos i gat naf taem, talem sam ekspiryens long 1997 Yearbook, pej 42-48, we i soem olsem wanem sam pablisa oli gohed strong blong givim witnes taem oli go long ol ples we i gat man long hem.

Singsing 93 mo laswan prea.

Wik We i Stat Long Epril 19

Singsing 79

5 menet: Lokol mesej.

10 menet: “?Yu Yu Gat Wan Oda Blong Magasin?” Elda no man blong givhan we i lukaot long magasin i givim tok ya. Talemaot namba blong ol magasin we kongregesen i kasem mo givimaot evri manis. Yumi no mas letem ol magasin oli stap nomo. Soemaot sam rod blong givimaot ol olfala magasin.​—Lukluk Kingdom Wok blong Julae 1993, pej 1.

30 menet: “Wok Blong Paenia​—!Wan Rod Blong Yusum Taem Blong Yumi Long Waes Fasin!” Kwestin mo ansa. Askem tri pablisa blong talem ol ekspiryens we i stap long paragraf 5-7. Biaen, askem long evriwan we oli ting se oli naf blong mekem haftaem mo fultaem paenia blong fulumap wan fom. Yufala i save kasem ol fom ya long ol memba blong Sevis Komiti. Eksplenem se i no let yet blong fulumap wan fom blong haftaem paenia long manis Mei.

Singsing 165 mo laswan prea.

Wik We i Stat Epril 26

Singsing 70

10 menet: Lokol mesej. Askem evriwan blong putum ripot blong prij. Talemaot nem blong olgeta we bambae oli mekem wok blong haftaem paenia long Mei. Soem sam gudfala rod blong seremaot ol niufala magasin.​—Lukluk Kingdom Wok blong Oktoba 1996, pej 8.

17 menet: “?Mi Mas Mekem Wanem?” Afta long tok ya, mekem pleplei blong wan yangfala we i stap skul yet. Hem i stap toktok wetem papa blong hem long saed blong plan blong hem long fiuja, taem bambae hem i kamaot long hae skul. Tufala i lukluk Kingdom Wok blong Julae 1998, pej 4. Papa i givim sam advaes long hem, mo i yusum sam poen long Wajtaoa blong Febuwari 1, 1996, pej 14, mo Desemba 1, 1996, pej 17-​19, blong leftemap tingting blong hem. Naoia we aoa blong ol paenia i godaon, yangfala ya i stap tingting blong mekem wok blong paenia taem hem i finisim skul blong hem.

18 menet: Askem Kwestin Long Sam Haftaem Paenia. Elda we i lukaot long wok blong prij i askem kwestin long sam pablisa we oli haftaem paenia long manis ya mo olgeta ya tu we oli bin haftaem paenia long ol manis we oli pas. Askem olgeta blong talem sam blesing we oli kasem, frut blong wok blong olgeta, mo from wanem oli wantem mekem wok blong paenia wan taem no tu taem evri yia.

Singsing 69 mo laswan prea.

?Yumi Save Seremaot Buk Ya Creator?

Las yia yumi glad tumas blong kasem buk ya Is There a Creator Who Cares About You? Oli wokem buk ya long wan fasin we i spesel blong olgeta we oli skul gud long saed blong ol samting blong wol, be maet oli no bilif long God. Yumi nidim buk ya moa blong givhan long olgeta ya.

Sipos yumi wantem karem gudfala frut, ol buk we yumi seremaot evri manis oli mas stret long bighaf blong ol man long ples blong yumi. ?Be samting ya i minim se yumi no save seremaot buk ya Creator long ol man we buk ya i save givhan long olgeta? !No gat! Yumi save seremaot buk ya long eni taem blong yia long olgeta man we oli no bilif long God, mo we yumi ting se buk ya i save givhan long olgeta. Maet yumi save seremaot buk ya tu, long olgeta we oli bilif long God be long tingting blong olgeta oli no sua se hem i hu, wanem ol fasin blong hem mo stamba tingting blong hem. Mifala i leftemap tingting blong yu blong seremaot buk ya long eni man we yu ting se bambae i intres blong ridim.