Ol Jenis Long Miting Long Medel Blong Wik

Stat long wik blong Septemba 3, Baebol Stadi Blong Kongregesen bambae i no moa 25 minit, be hem i 30 minit. Blong statem stadi ya, brata i mas tokbaot las stadi blong wan minit. Miting Blong Kingdom Wok tu bambae i no moa 35 minit, be hem i 30 minit. Bambae i no moa gat wan haf blong ol mesej. Sipos i gat mesej, bambae oli talemaot nomo long stat blong fas haf blong Miting Blong Kingdom Wok. Klosap oltaem, i gat smol mesej nomo we yumi mas talemaot, mo plante taem i no gat nating. I no nid blong yufala i talem ol haf we bambae oli kamaot long miting. Yufala i no mas talemaot program blong miting blong prij, mo program blong klinim Haos Kingdom, mo lav we ol brata mo sista blong narafala ples oli sanem. (km 10/08 pej 1, haf 4) Sipos i gat wan longfala mesej blong talemaot, i gud olgeta we oli gat haf long miting, oli save fastaem se oli mas sotem haf blong olgeta.