?Olsem Wanem Ol Kapol Oli Save Mekem Mared i Kam Strong Moa?

Ebraham mo Sera oli wan gudfala eksampol blong olgeta we oli mared, we oli lavem olgeta mo oli respektem olgeta. (Je 12:11-13; 1Pi 3:6) Nating se i olsem, mared blong tufala i no stret gud olgeta, mo tufala i mas stanap strong long sam traem long laef. ?Ol kapol oli save lanem wanem long eksampol blong Ebraham mo Sera?

Toktok gud tugeta. Gat tingting daon mo lesingud long samting we hasban o waef blong yu i talem taem hem i kros o i harem nogud. (Je 16:5, 6) Mekem plan blong spenem taem tugeta. Soemaot oltaem long ol toktok mo aksen blong yu se yu lavem hasban o waef blong yu. Antap moa, yutufala i mas putum Jehova i stap insaed long mared blong yutufala, stadi Baebol, prea, mo joen tugeta blong wosipim hem. (Pri 4:12) Wan strong mared i givim ona long Jehova, we hem nao i Stanemap faswan mared.

WAJEM VIDEO YA ?OLSEM WANEM BLONG MEKEM MARED I KAM STRONG MOA? MO BIAEN YU ANSA LONG OL KWESTIN YA:

• ?Wanem sam saen we i soemaot se Shaan mo Kiara oli no moa frengud?

• ?From wanem fasin ya blong tok tru i impoten insaed long mared?

• ?Olsem wanem eksampol blong Ebraham mo Sera i halpem Shaan mo Kiara?

• ?Shaan mo Kiara i mekem wanem blong mekem mared blong tufala i kam strong moa?

• ?From wanem wan hasban mo waef i no mas ting se mared blong tufala bambae i stretgud olgeta?