!Yu Save Prij Mo Tij!

Fastaem Moses i ting se hem i no naf blong mekem wok we Jehova i givim long hem. (Eks 4:10, 13) ?Yu tu yu harem olsem samtaem? ?Yu yu stap stadi Baebol wetem ol Witnes blong Jehova mo yu harem se yu no naf blong prij long ol haos wanwan? Maet yu wan yangfala we yu fraet blong prij long skul. O maet yu fraet blong prij long telefon o long ol pablik ples. Yu prea mo askem strong long Jehova blong hem i givim tabu spirit long yu. (1Pi 4:11) Yu save trastem se Jehova bambae i givhan long yu blong yu mekem eni wok we hem i givim long yu.—Eks 4:11, 12.

WAJEM VIDEO YA YU MAS GAT STRONG TINGTING . . . PABLISA, MO BIAEN YU ANSA LONG OL KWESTIN YA:

• ?Wanem samting i traem sista Aoyama?

• ?Wanem i givhan long hem blong kasem paoa mo gat strong tingting?—Jer 20:7-9

• ?Taem hem i mekem moa long wok blong Jehova, samting ya i givhan long hem olsem wanem?

• ?Wanem ol hadtaem long wok blong prij we Jehova i save givhan long yu blong winim?