?Olsem wanem ol Baebol lesen ya oli save givhan moa long yu?
Askem blong stadi: Askem Baebol stadi long man we i givim buklet ya long yu, o yu fulumap fom blong stadi, we i stap long websaet blong mifala jw.org.
FAS SEKSEN
Ridim wanwan paragraf wetem ol kwestin long bold raeting (A) mo ol vas (B) we oli makem ol men poen. I gat sam vas we oli makem se “ridim,” hemia blong studen mo tija i ridim tugeta.
NAMBATU SEKSEN
Fastok (C) haf ya Digim Moa i eksplenem ol tingting we i kam biaen. Ol smol taetel (D) oli introdiusum ol men poen. Ridim ol vas, ansarem ol kwestin, mo wajem ol video (E).
Luklukgud ol pija wetem ol toktok blong olgeta (F), mo tingbaot olsem wanem blong ansa long haf ya Sam Man Oli Se (G).
LASWAN SEKSEN
Samari mo Tingtingbak (H) i blong endem lesen ya. Raetem det we lesen i finis long hem. Nekis Step (I) hemia i wan mak we yu mas wok long hem blong gohed blong lanem samting. Faenemaot (J) hem i givim ol nara infomesen we yu save go long hem blong ridim mo wajem.
?Olsem wanem blong faenem ol vas long Baebol?
Ol vas oli stat wetem nem blong Buk long Baebol (A), japta (B), mo vas (C). Eksampol, Jon 17:3 i minim buk blong Jon, japta 17, vas 3.