blong talemaot Kingdom oli karem gudfala frut long wok blong prij long rod. Oli toktok wetem ol man tu long ples blong wok mo oli visitim ofis blong olgeta, ol man blong stoa, ol man blong wokem garen, mo ol man we oli stap kambak long wok blong pulum fis long solwora blong Jaena.

I tru blong talem se “i gat plante kakae tumas i stap long garen, be smol man nomo oli stap blong karem” long Hong Kong. (Matyu 9:37) Naoia, i gat wan Wetnes blong 2,300 man. From we oli luksave impoten wok blong karem kakae long garen, kolosap 600 long ol 2,600 man blong talemaot Kingdom long Hong Kong oli mekem wok blong paenia, no oli man blong talemaot gud nyus fultaem. Ol Wetnes blong Jeova long Hong Kong, olsem ol Wetnes long ol narafala ples, oli luksave se ‘blesing blong Jeova, hemia nao samting we i mekem man i rij.’ (Proveb 10:22) Taswe, oli wok strong blong givhan long plante moa man long ples ya we i rij blong oli faenem ol trufala rij samting.

?Yu Stap Folem Jeova Fulwan?

“OL STRET man oli olsem wan yangfala laeon we i gat strong tingting.” (Proveb 28:1) Ol stret man ya oli soem bilif, oli dipen nomo long Tok blong God, mo oli strong blong gohed long wok blong Jeova long taem blong trabol.

Taem ol man Isrel oli stap long Sinae, hemia afta we God i tekemaot olgeta long kalabus long Ijip long ol yia bitwin 1600 B.K.T mo 1500 B.K.T., i gat tu man nomo we tufala i soem se tufala i gat strong tingting olsem ol laeon. Tufala i soem se tufala i holemstrong bilif long