KWESTIN 5
?Wanem mesej blong Baebol?
“Bambae mi mekem se yu wetem woman ya yutufala i badfren, mo pikinini blong yu wetem pikinini blong hem bambae oli badfren. Bambae hem i smasem hed blong yu, mo yu bambae yu givim kil long bak blong leg blong hem daon.”
“Mo tru long pikinini blong yu, olgeta nesen long wol bambae oli kasem blesing, from we yu yu lesin long voes blong mi.”
“Yu mekem Kingdom blong yu i kam. Yu mekem wil blong yu i kamtru long wol ya olsem long heven.”
“I no longtaem God ya we i givim pis bambae i smasem Setan, i mekem yufala i purumbut long hem.”
“Taem olgeta samting bambae oli stap aninit long paoa blong Pikinini ya, bambae Pikinini ya tu i putum hem wan aninit long paoa blong God ya we i bin putum olgeta samting oli stap aninit long paoa blong hem, nao God bambae i hed long olgeta samting.”
“Promes we God i mekem, hem i mekem long Ebraham mo pikinini blong hem . . . , hemia Kraes. Mo sipos yufala i blong Kraes, yufala i pikinini blong Ebraham.”
“Kingdom blong wol i kam Kingdom blong Masta blong yumi mo blong Kraes blong hem, mo hem bambae i rul gogo i no save finis.”
“Nao oli slingim hem i kamdaon long wol. Bigfala algita ya, hem i snek ya blong bifo we oli singaot hem se Devel mo Setan, hem i stap lidim olgeta man long wol oli go krangke. Ol enjel blong hem tu, oli slingim olgeta oli kamdaon.”
“Nao hem i holem bigfala algita ya we hem i snek ya blong bifo, mo we hem i Devel mo Setan, mo i fasem hem long jen ya blong 1,000 yia.”