Stret Samting We Ol Yangfala Oli Nidim

Plante yangfala mo olfala tugeta oli ridim buk ya Ol Kwestin We Ol Yangfala Oli Askem​—⁠Ol Ansa We Oli Wok Gud. Biaen, oli talem se hemia nao stret samting we ol yangfala oli nidim. Wan yangfala gel long Sinaloa, Meksiko, i askem ten kopi blong buk ya blong givim long ol fren blong hem. Gel ya i no wan Witnes blong Jeova, be hem i laekem buk ya tumas. Hem i se: “Mi mi gat bigfala respek long yufala.”

Hem i talem tu se: “Mi mi gat plante fren we oli askem fulap kwestin long saed blong laef tede. Mi mi soem buk ya long olgeta, mo oli laekem tumas. Buk ya i nambawan mo i tokbaot evri samting we ol yangfala oli wantem save long hem.” Gel ya i wantem kasem ol buk ya bifo we oli spel long skul long hot taem.

Buk ya Ol Yangfala Oli Askem, i gat 39 japta blong hem. Sam long olgeta: “?Olsem Wanem Mi Save Pulum Papa Mama Blong Letem Mi Mi Fri Moa?” “?Olsem Wanem Mi Save Gat Ol Trufala Fren?” “?Olsem Wanem Long Fasin Blong Slip Tugeta Bifo Mared?” mo “?Olsem Wanem Blong Save Sipos Hemia i Trufala Lav?” Yu yu save oda long wan kopi blong buk ya we i gat 320 pej blong hem, sipos yu fulumap pej ya daon mo sanem i kam long adres we i stap.

□ Plis sanem buk ya long mi Ol Kwestin We Ol Yangfala Oli Askem​—⁠Ol Ansa We Oli Wok Gud.

□ Plis, mi mi wantem se wan man i kam luk mi blong mekem Baebol stadi wetem mi we mi no pem.