“Mi Harem Se Mi Wantem Gohed Nomo Blong Ridim”

◼ Las yia, wan niufala buk blong 224 pej we i gat plante naes pija insaed long hem, i kamaot long distrik asembli blong ol Witnes blong Jeova raon long wol. Oli wokem buk ya blong stadi long ol stamba tijing blong Baebol. Buk ya hemia, ?Wanem Samting We Baebol i Rili Tijim?

Wan woman we i ridim buk ya i raetem se: “Mi harem se mi wantem gohed nomo blong ridim. Long evri buk blong stadi we mi bin ridim, buk ya hem i beswan tul blong tijim narafala.”

Wan narafala man i raetem se: “Evri taem we yu finisim wan pej blong buk ya, yu wantem gohed blong ridim nekiswan pej. Mi laekem tu, olsem wanem, long en blong wanwan japta i talem wanem we nekiswan japta bambae i tokbaot. Plante haf we mi ridim long buk ya oli tajem mi mekem se wota blong ae blong mi i ron. !I gat plante samting we mi laekem tumas long saed blong buk ya, mo sipos mi raetemdaon ol samting ya, bambae i olsem we mi raetem wan narafala buk!”

Wan narafala man we i laekem buk ya i raetem se: “Tru, long saed blong spirit, buk ya i wan samting we i sas tumas, mo bambae i wan nambawan tul blong tijim ol niufala disaepol.”

Buk ya ?Wanem Samting We Baebol i Rili Tijim? i kamaot long bitim 140 lanwis. Yu save askem blong gat buk ya taem yu fulumap pepa ya mo sanem i go long adres we i stap, no long wan long ol adres we i stap long pej 5 blong magasin ya.

□ Plis sanem buk ya long mi ?Wanem Samting We Baebol i Rili Tijim?

□ Plis, mi mi wantem se man i kam luk mi blong mekem Baebol stadi wetem mi we mi no pem.