Jisas “Bambae i Tekemaot Sin Blong Olgeta Man Long Wol”

● Jon Baptaes i talem se Jisas “bambae i tekemaot sin blong olgeta man long wol.” (Jon 1:29) Ol tok ya oli pulum tingting blong ol man long wok we Jisas i mekem blong sevem ol man.

?Be from wanem Jisas i mas ded blong sevem ol sinman? ?Wanem gudfala samting i kamaot from fasin blong Jisas we hem i rere blong letem laef blong hem? ?Ded blong hem i karem blesing long hu? ?Wanem blesing we yu yu save kasem from ded blong Jisas?

Ol Witnes blong Jehova oli tingbaot ded blong Jisas wan taem evri yia. Long yia ya, dei blong tingbaot ded blong hem i stap long Sande 17 Eprel, afta we san i godaon.

Ol Witnes blong Jehova oli singaot yu yu kam long spesel miting ya blong tingbaot from wanem ded blong Jisas i impoten tumas. Long miting ya, bambae oli tokbaot ansa we Baebol i givim long ol kwestin we yumi ridim finis antap.

Ol Witnes blong Jehova oli mekem spesel miting ya long ol defdefren ples. Yu save kam long hemia we i stap klosap moa long haos blong yu. Plis yu askem long ol Witnes blong Jehova long ples blong yu, blong faenemaot stret taem mo ples we bambae oli holem miting ya long hem.