Joengud Blong Mekem Wok Blong God
Mifala i hop se ol save long buk ya long saed blong minista wok, ol miting, mo ogenaesesen blong ol Wetnes blong Jeova, bambae i pulum yu blong joen moa wetem olgeta long wosip blong God. Mifala i singaot yu blong joen wetem wan kongregesen blong ol Wetnes blong Jeova mo go long ol asembli blong olgeta tu. Olsemia, bambae yu lanem moa long saed blong olgeta, mo bambae yu luksave moa long saed blong wil blong God naoia.—Taetas 2:11-14.
Long sem taem we yu traehad blong kasem ol mak we Baebol i putum, yu save joen wetem olgeta long ol wok blong olgeta. Bambae yu harem glad long gudfala kampani blong ol brata long olgeta ples blong wol. Antap moa, yu save tingbaot taem we bambae yu save pastru long en blong olfala fasin ya, blong stap laef long wol ya, we i stanap long pis mo stretfasin nomo.—2 Pita 3:13.
[Tok Blong Pija Long Pej 30, 31]
Ol pija ya, oli soemaot wok ya long 18 kantri mo aelan we ol Wetnes blong Jeova oli joengud blong mekem wok blong God
Naejiria
Ostria
Brasil
Japan
Kanada
Gwatemala
Ajentina
Jemani
Taewan
Finlan
Saot Afrika
India
Yunaeted Stet
Fiji
Jili
Itali
Bolivia
Filipin