Tingtingbak Long Ol Poen Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Disemba 26, 2011.

1. Maet yumi mekem wan narafala i harem nogud, ?be olsem wanem advaes blong Ol Proveb 30:32 i givhan long yumi blong yumi no mekem hem i kam kros? [w87-E/F 5/15 pej 30 haf 11]

2. ?Wanem “hapi taem” we man i harem se i blong nating nomo? (Pri. 2:1) [g 2/06 pej 6 haf 1-2]

3. Sam man we oli ridim ol tok blong Solomon long Prija 3:1-9, oli talem se vas ya i sapotem bilif ya se God i makemaot finis laef blong ol man wanwan. ?Be olsem wanem ol tok blong Solomon long Prija 9:11 (NW), i soemaot klia se tingting ya i no stret? [w09 4/1 pej 4 haf 4]

4. ?From wanem i nogud blong ‘traehad tumas blong kam gud moa, gogo yumi bitim mak’? (Pri. 7:16) [w10 10/1 pej 20 haf 8-9]

5. ?Sing Blong Solomon 2:7 (NW), i soemaot olsem wanem se olgeta we oli wantem mared oli waes, taem oli no hareap blong jusum man no woman blong olgeta? [w06 12/1 pej 15 haf 1; w80-E 4/15 pej 19 haf 7; w80-F 7/15 pej 19 haf 7]

6. ?Tok ya se “maot blong yu i swit olsem hani, mo tang blong yu i swit olsem melek wetem hani,” i minim wanem? (Sing 4:11) [w06 12/1 pej 15 haf 6]

7. ?Ol nem ya “Nambawan Man blong Givhan long Man,” “God we i Gat Paoa,” mo “Papa we bambae i Stap Oltaem” oli givhan long yumi blong save wanem fasin blong Jisas, mo bambae hem i mekem wanem taem hem i rul long niufala wol? (Aes. 9:6) [w91 4/15 pej 5 haf 7]

8. ?Hu tede i olsem neson blong Isrel we i mekem fasin blong “man blong apostasi” (NW)? ?Mo bambae Jehova i yusum hu olsem “nalnal” blong hem? (Aes. 10:5, 6) [ip-1-E/F pej 145 haf 4, 5; pej 153 haf 20]

9. Aesea i talemaot se kantri ya Babilon ‘bambae i no moa gat man i stap long hem bakegen samtaem.’ ?From wanem profet tok ya i mekem yumi sapraes tumas? ?Mo taem yumi tingbaot se profet tok ya i kamtru, hemia i mekem wanem long yumi? (Aes. 13:19, 20) [g 1/08 pej 9 haf 4-5]

10. ?Wetaem Jisas i ‘kasem ki blong evri samting long haos blong Deved’? ?Mo hem i yusum ki ya blong mekem wanem? (Aes. 22:22) [w09 1/1 pej 31 haf 1]