Advaes Blong Mekem Risej

Ol Pleplei Blong Ol Pikinini

Ol papa mo mama oli gat wan bigfala wok blong tijim ol pikinini blong olgeta long saed blong Jehova. (Efes. 6:4) Blong halpem olgeta, ogenaesesen blong Jehova i wokem plante atikol, video, mo singsing. ?Olsem wanem yu save yusum olgeta blong trenem ol pikinini blong yu?

• Blong faenem ol samting ya, go long jw.org. Long ples ya, i gat plante samting blong ol yangfala, olsem ol video mo ol pepa blong fulumap.a Blong faenem olgeta, taepem “Pikinini” o “Yangfala” long ples we i talem “Lukaotem.”

• Jusum samting we i stret long pikinini. Ol samting we i stap long haf ya “Pikinini” oli save halpem yu. Blong faenem olgeta, taepem “Ol Lesen Blong Famle Wosip” long ples we i talem “Lukaotem.”

• Spenem taem wetem pikinini. I nogud yu letem pikinini hem wan i wajem ol video o fulumap ol pepa, jes blong pasem taem nomo. Be i moa gud yu tokbaot wetem pikinini blong yu, mo halpem hem blong i frengud wetem Jehova.