A Ya Egbe Fiohan
De emwi nọ khẹke nọ gua ima kpa, ne ima ya ya egbe fiohan ne Osanobua ne Jehova?
Diut 6:5; Luk 10:25-28; Arhie 4:11
Vbe ya ghee Ẹks 20:5
Adeghẹ ima hoo ne ima ga Osanobua, de aro nọ khẹke ne ima ya gha ghee Baibol?
Psm 119:105; 1 Tẹs 2:13; 2 Tim 3:16
Vbe ya ghee Jọn 17:17; Hib 4:12
De emwi nọ khẹke ne ima kọ ye orhiọn vbe odẹ ne Osanobua ya ru iyobọ ne ima ya gban egbe ne orukhọ?
Vbe ima khian ya rhie ẹre ma hẹ wẹẹ, ma ro iro fi uyinmwẹ werriẹ nẹ, vbe emwi ne ima ka gha ru?
Igiemwi ni rre Baibol ni gha sẹtin ru iyobọ nuẹn:
Luk 19:1-10—E Zakiọs ne ọkaolotu ọghe iran ni koko igho uhunmwu keghi ro iro fi uyinmwẹ werriẹ, ọ ma ghi gha khiẹn emwa obọ miẹn iran emwi; ọ na ghi ha emwi hia nọ te miẹn emwa re werriegbe
1 Tim 1:12-16—Ukọ e Pọl keghi ta vbene irẹn ya kie werriegbe vbe orukhọ ne irẹn te ka gha ru kevbe vbene irẹn ya miẹn ayabọ hẹ, rhunmwuda ne Osanobua kevbe Kristi na tohan irẹn
Vbọ gberra na zobọ vbe emwi dan na ru, de emwi ọvbehe nọ khẹke ne ima ru?
De aro uyinmwẹ nọ khẹke ne ima gha yin, ne Osanobua mieke na miẹn ugamwẹ ọghe ima yi?
1 Kọr 6:9-11; Kọl 3:5-9; 1 Pit 1:14, 15; 4:3, 4
Igiemwi ni rre Baibol ni gha sẹtin ru iyobọ nuẹn:
1 Kọr 5:1-13—Ukọ e Pọl keghi tama etẹn ni rre Kọrint ne iran rhie ọmwa nọ ghaa fuẹn vbe uwu alama oghẹ hin uwu ẹbu iran rre
2 Tim 2:16-19—Ukọ e Pọl keghi tama e Timoti nọ gban egbe ne imamwaemwi ọghe emwa ni lahin odẹ ẹmwata rre, nọ wa vẹwae khian vbe na ghee okobẹtẹ
Vbọzẹ nọ ma na khẹke ne ima gha ye arriọba agbọn na ike?
Aiz 2:3, 4; Jọn 15:19
Igiemwi ni rre Baibol ni gha sẹtin ru iyobọ nuẹn:
Jọn 6:10-15—Vbe Jesu ghi rhie evbare ne ọkhọngborrie emwa nẹ vbe odẹ ọghe ọyunnuan, emwa na te gha hoo ne iran ma e Jesu ọba, sokpan, ọ na kpa sẹ iran rae
Jọn 18:33-36—Jesu keghi kha wẹẹ, Arriọba ọghe irẹn i re ọghe agbọn na
De vbene orhiọn nọhuanrẹn ya ru iyobọ ne ima, ne ima ya sẹtin gha ga Osanobua?
Vbe ya ghee Iwinna 20:28; Ẹfis 5:18
Igiemwi nọ rre Baibol nọ gha sẹtin ru iyobọ nuẹn:
Iwinna 15:28, 29—Orhiọn nọhuanrẹn ẹre ọ ru iyobọ ne ẹbu nọ su nọ ghaa rre Jerusalẹm, ne iran ya sẹtin ru azẹ nọ khẹke vbe nọ dekaẹn ẹmwẹ arhuẹ
De vbene ima khian ya sẹtin ya egbe taa e Jesu Kristi hẹ, vbe ugamwẹ ne ima rhie ne Osanobua?
Vbọzẹ nọ na khẹke ne Ivbi Otu e Kristi ni ya egbe fiohan ne Osanobua dinmwiamẹ?
Mat 28:19, 20; Iwinna 2:40, 41; 8:12; 1 Pit 3:21
Igiemwi ni rre Baibol ni gha sẹtin ru iyobọ nuẹn:
Mat 3:13-17—Te Jesu rre do ru emwi ne Erhae hoo, ọni ẹre ọ si ẹre nọ na dinmwiamẹ, nọ ya rhie ẹre ma wẹẹ, emwi ne irẹn rre do ru nii khin
Iwinna 8:26-39—Ovbi Ẹtiopia ọkpa nọ re ọkpa vbe usun emwa ni do deba ugamwẹ Ivbi e Ju, ghi rẹn ẹmwata vbekpa e Jesu Kristi nẹ, ọ na gha hoo nọ dinmwiamẹ