Izinegbe
De odẹ ne Jehova he ya rhie ẹre ma wẹẹ, irẹn mwẹ izinegbe?
Vbe ya ghee Neh 9:30
Igiemwi ni rre Baibol ni gha sẹtin ru iyobọ nuẹn:
Jer 7:23-25—E Jehova keghi ta vbene irẹn ya mwẹ izinegbe hẹ, vbe egbe emwa rẹn agharhemiẹn wẹẹ, emwa ni ze vbe udu ẹre iran ghaa khin
2 Pit 3:3-9, 15—Ukọ e Pita keghi gi ima rẹn odẹ nọ hin ukhuan ne Jehova he ya mwẹ izinegbe, kevbe evbọzẹe ne Jehova na mwẹ izinegbe, ọ na vbe kha wẹẹ, ọ mwẹ ẹghẹ ne Jehova khian zin egbe sẹ
Vbọzẹ nọ na khẹke ne ima gha mwẹ izinegbe?
Itan 25:15; Ẹfis 4:1-3; 2 Tim 2:24, 25; 4:2
Igiemwi ni rre Baibol ni gha sẹtin ru iyobọ nuẹn:
Gẹn 39:19-21; 40:14, 15, 23; 41:1, 9-14—Agharhemiẹn wẹẹ a khiẹn e Josẹf zẹvbe ọviẹn, a na vbe muẹn ye eghan vbe ọwara ukpo nibun vbe otọ Igipt, vbene ọ ma na rẹn ọkpa rẹn eva, e Josẹf na ye mwẹ izinegbe, ọ na vbe mu ẹtin yan Osanobua
Hib 6:10-15—Ukọ e Pọl keghi loo igiemwi ọghe Ebraham ya gi ima rẹn wẹẹ ọ khẹke ne ima gha mwẹ izinegbe