Orukhọ
Vbọ re orukhọ? Vbọzẹ nọ na rre ima hia egbe?
Psm 51:5; Rom 3:23; 5:12; 6:23; 1 Jọn 3:4; 5:17
De emwi ne Baibol tae, nọ ya ima mwẹ ilẹkẹtin wẹẹ, ma gha sẹtin gu orukhọ nọ rre ima egbe khọn?
Igiemwi ni rre Baibol ni gha sẹtin ru iyobọ nuẹn:
2 Sam 11:2-5, 14, 15, 26, 27; 12:1-13—Ọba e Devid ghi ru orukhọ nọ wegbe, Osanobua keghi rri ẹre oya yọ; e Devid keghi hia nọ kie werriegbe
Rom 7:15-24—Agharhemiẹn wẹẹ, ọmwa nọ mwẹ amuẹtinyan kevbe nọ rhiegbe ye ugamwẹ Osanobua ẹre ukọ e Pọl ghaa khin, ọ keghi kha wẹẹ, irẹn ghaa mwẹ orukhọ vbe uwu egbe ne irẹn gu gha khọn
De vbene a ma rẹn sẹ kevbe erẹrẹ ya ya emwa nibun de ye orukhọ hẹ?
Iwinna 3:17; 17:29, 30; 1 Tim 1:13; 1 Pit 1:14
Vbe ya ghee Nọm 15:27-29
Vbọzẹ nọ ma na zẹdẹ khẹke ne ọmwa wa gha rhan aro ru orukhọ?
Hib 10:26, 27; 1 Jọn 3:4, 8, 9
Vbe ya ghee Nọm 15:30; Rom 1:28-32; 1 Tim 5:20
De emwi eso ne Setan gha sẹtin loo ya danmwẹ eguọmwadia Osanobua, ne iran mieke na de ye orukhọ?
Itan 1:10, 11, 15; Mat 5:28; Jems 1:14, 15
Igiemwi ni rre Baibol ni gha sẹtin ru iyobọ nuẹn:
Gẹn 3:1-6—Setan keghi loo ẹyẹn ya gu Ivi guan, ọ na ya emwi ne aro ẹre gha sẹtin wu yi danmwẹ ọnrẹn ghee, rhunmwuda ọni, Ivi ma ghi mu ẹtin yan e Jehova
Itan 7:6-10, 21-23—Ọba e Sọlomọn keghi ya unu kaẹn ọvbokhan okpia ọkpa nẹi mwẹ ẹwaẹn nọ ma sẹtin lẹẹ ne igbiragia ọkpa, nọ ghi do yae ru orukhọ
De emwi nọ gha ru iyobọ ne ima, ne ima ghẹ de ye edanmwẹ ọghe Setan?
Ẹfis 4:27; 6:10-18; Jems 4:7, 8
Igiemwi ni rre Baibol ni gha sẹtin ru iyobọ nuẹn:
Itan 5:1-14—E Jehova keghi loo Ọba e Sọlomọn ya gi ima rẹn evbọzẹe nọ na khẹke ne ima gha lẹẹ ne uyinmwẹ alama oghẹ kevbe vbene ima khian ya lẹẹ nẹẹn hẹ; te ibude na yevbe ọghe erha ọmọ nọ bu ovbi ẹre ude
Mat 4:1-11—Vbe ẹghẹ ne Esu ya ya ẹkẹ vbe iwẹnwẹn mu edanmwẹ rre, Jesu keghi loo ẹmwẹ nọ rre Ebe Nọhuanrẹn ya gbe ẹre odan; igiemwi esi ẹre ọna khin ne ima
De orukhọ nọ wegbe eso nọ khẹke ne Ivbi Otu e Kristi lẹẹ na?
Ya ghee “Emwi Dan Na Ru”
Na miẹn orukhọ kue
Vbọzẹ nọ ma na khẹke ne ima gbe gue orukhọ ọghe ima?
Itan 28:13; Rom 14:12; 1 Tim 5:24; Hib 4:13
De ọmwa nọ khẹke ne ima ta orukhọ hia ne ima he ru ma?
Psm 32:5; Mat 6:9-14
Gha re “ọyọmwabọ” nọ gu ima rinmwian e Jehova?
De vbene ọmwa nọ ru orukhọ khian ya rhie ẹre ma vbe uyinmwẹ ọnrẹn wẹẹ, irẹn fi werriẹ nẹ?
Vbe ya ghee “A Ro Iro Fi Uyinmwẹ Werriẹ”
Igiemwi ni rre Baibol ni gha sẹtin ru iyobọ nuẹn:
Ẹks 22:1-12—Uhi e Mozis khare wẹẹ, ọmwa gha rhaa, a ghi fian ẹre emwi, nọ ya ha osa ye emwi nọ do viọ
Luk 19:8, 9—E Zakiọs ne ọkaolotu iran ni koko igho uhunmwu nọ te gha khiẹn emwa obọ miẹn iran emwi keghi rhie ẹre ma wẹẹ, irẹn fi werriẹ nẹ, ọ na ha emwi hia nọ miẹn emwa ẹre werriegbe
Vbọzẹ ne ima gha na sẹtin gha mwẹ ilẹkẹtin wẹẹ, e Jehova gha sẹtin yabọ ima?
Ya ghee “Ayabọ”
De emwa ne Jehova zẹ, nọ gha ru iyobọ ne etẹn ni rre iko kevbe nọ vbe gha gbogba ga iran, vbe ọmwa gha ru orukhọ nọ wegbe?
Vbe ya ghee Iwinna 20:28; Gal 6:1
Ma gha ru orukhọ nọ wegbe, de emwi nọ gha sẹtin si vbe uwu ẹgbẹe ra vbe uwu iko?
Vbe ya ghee Diut 29:18
Igiemwi ni rre Baibol ni gha sẹtin ru iyobọ nuẹn:
Jọs 7:1-13, 20-26—Ekan keghi ru orukhọ nọ wegbe, ọ na vbe hia nọ gbe gue ẹre; ọna keghi si ọlọghọmwa gie Ivbi Izrẹl hia
Jon 1:1-16—Rhunmwuda ne Jona ne akhasẹ na he ẹmwẹ ye Jehova obọ, ọ keghi mu arrọọ ọghe emwa hia ne iran gba gha rre uwu ukọ ye ikpadede
1 Kọr 5:1-7—Ukọ e Pọl keghi ya unu kaẹn orukhọ nọ wegbe ne ọtẹn ọkpa ru vbe iko nọ rre Kọrint nọ te mu iko nii hia rhia
Vbọzẹ nọ ma na khẹke ne ima rhunmwuda ohan ọghe oya na khian rri ima ẹre kha wẹẹ, ma i khian gualọ iyobọ vbe obọ ediọn?
Itan 3:11, 12; Hib 12:5-7, 11; Jems 5:14, 15
Vbọzẹ nọ na khẹke ne ima gha mwẹ ilẹkẹtin wẹẹ, Osanobua yabọ ima nẹ, ne ima gha te ya gha khiẹkhiẹ egbe ye orukhọ ne ima ru vbe ẹghẹ nọ gberra?
Ya ghee “Ayabọ”
Adeghẹ ima na rẹn wẹẹ ọmwa ru orukhọ nọ wegbe, vbọzẹ nọ na khẹke ne ima gi ọmwa nii rẹn wẹẹ, ọ khẹke nọ ya tama ediọn?
Lẹv 5:1
Igiemwi nọ rre Baibol nọ gha sẹtin ru iyobọ nuẹn:
Diut 13:6-9; 21:18-20—Uhi e Mozis wẹẹ, a gha rẹn wẹẹ, ọmwa ru orukhọ nọ wegbe, te ọ khẹke na tae ladian, ọ gha khọnrẹn ne ọmwa nii gha re ọse ima, ra ọmwa ima vbe uwu ẹgbẹe