UYINMWẸ ỌGHE IMA NE IVBIOTU E KRISTI

Ne Arriọba—Ọ Gberra Ukpo 100 Nẹ Nọ Ke Kha

Imọto amigbo, Avbe Osẹe Jehova gie emwa rẹn vbekpae ọta ne iran ya guan, owebe ọghe Gilead nọ khian vbe obọ kevbe emwa ni gbẹbu vbe asikoko nọkhua

Ọ khẹke ne emwa ni hoo ne iran gha rre ototọ ukhamwẹ ọghe Arriọba Osanobua, ruẹ emwi hia ne iran gha sẹtin ruẹ vbekpae ne Arriọba kevbe emwi nọ he fiangbua. Vbọzẹ? Ọna gha ya iran gha mwẹ amuẹtinyan nọ wegbe dae Jehova wẹẹ, Arriọba Osanobua kha nẹ kevbe ọ gha vbe gua iran kpa ne iran ya kporhu iyẹn nọma ọghe Arriọba Osanobua ma emwa ọvbehe. (Psm 45:1; 49:3) Zẹvbe ne u ya ghee ne Vidio Ne Arriọba—Ọ Gberra Ukpo 100 Nẹ Nọ Ke Kha, gualọ ewanniẹ ọghe avbe inọta na:

Vbọzẹ ne emwa ni ghee “Photo-Drama of Creation” na miẹn ere vbọ?
De vbene a ya loo e rredio ya kporhu iyẹn nọma ma emwa hẹ?
De obẹlẹ ọvbehe na loo ro ya kporhu iyẹn nọma, kevbe de ere na lae miẹn?
De vbene ọ he ya mwẹ alaghodaro hẹ ighẹ imamwaemwi ọghe vbene a ya kporhu?
De imamwaemwi nọ gha gia loo na rhie ne etẹn ni yo owebe ọghe Gilead?
De vbene avbe asikoko nọkhua he ya ma emwa ọghe Jehova emwi hẹ?
De emwi nọ ya ruẹ rẹn ighẹ Arriọba Osanobua suẹn gha kha nẹ?
De vbene ima khian ya rhiẹre ma hẹ wẹẹ ima ku obọ gbe bae Arriọba Osanobua?