Uwẹ Gha Sẹtin Danmwẹ Ọnrẹn Ghee Vbe Ukpo Ọkpa Ra?

De emwi ne ọni khin? Iwinna arọndẹ! U miẹn afiangbe ne u gha sẹ ọyẹnmwẹ ọnrẹn!—Itan 10:22.

U GHA RU IWINNA ARỌNDẸ, U GHA SẸTIN . . .

• guẹ sayọ vbe iwinna ikporhu kevbe ọ gha ya ruẹ sọyẹnmwẹ ọnrẹn ẹsẹsẹmwẹse

• ya asikẹgbe ne u gu e Jehova mwẹ khian nọ wegbe. Vbene u ya gu emwa guan vbekpae Jehova, erriọ u ya yẹre rre avbe akpa ni hionkhuan ọghẹe

• gha mwẹ isọkẹn na miẹn vbe a gha mu iwinna Arriọba ye okaro kevbe a gha rhiegbe ọmwa ladian ya ru iyobọ ne emwa ọvbehe.—Mat 6:33; Iwinna 20:35

• yo iko ne ọgbaroghe ọghe otako gu avbe arọndẹ do, iko ọghe avbe arọndẹ na do vbe asikoko ọghe otako kevbe Owebe Ọghe Avbe Arọndẹ Ọghe Ẹghẹ Hia

• miẹn ẹkpotọ ya gu emwa gha ruẹ e Baibol

• sọyẹnmwẹ ọnrẹn ighẹ, igiọdu ne etẹn rhie ne egbe vbe a gha rre ikporhu. —Rom 1:11, 12