UYINMWẸ ỌGHE IMA NE IVBIOTU E KRISTI
Avbe Igbama—Uwa Fannọ Otọ Ẹko Uwa Ma Evbibiẹ Uwa
Vbọzẹ nọ na khẹke ne u gha fannọ otọ ẹko ruẹ ma evbibiẹ ruẹ? (Itan 23:26) Rhunmwuda iwinna ne Jehova waa iran re ọre ne iran gha gbaroghe ruẹ kevbe ne iran gha dia ruẹ. (Psm 127:3, 4) Deghẹ u ma na tama iran emwi nọ kpokpo ruẹ vbe orhiọn, iran i khian rẹn vbene iran khian ya ru iyobọ nuẹn hẹ. Ẹghẹ nii, u i khian vbe sẹtin ya emwi ne iran he miẹn vbe agbọn waan ne egbe. Ẹi re esalẹbẹ ne u wa gha ta emwi hia ma iran, sokpan ọ ma zẹdẹ khẹke ne u gha ru ero.—Itan 3:32.
Vbua khian ya sẹtin fannọ otọ ẹko ruẹ ma evbibiẹ ruẹ hẹ? U ghi gualọ ẹghẹ ne uwa hia khian ya miẹn obọ. Sokpan deghẹ uwa i kẹ miẹn obọ, u sẹtin gbẹn elẹta ne u ya tama iran vbene emwi ye ruẹ hẹ. Deghẹ iran na gha hoo ne iran gu uwẹ ziro yan ẹmwẹ eso ne u ma hoo ne u guan kaẹn ghi vbo? U ghi yerre wẹẹ, te iran hoo ne iran ru iyobọ nuẹn. Ne u gha te ya gha ghee iran zẹvbe eghian ruẹ, kọe ye orhiọn wẹẹ, ọse ruẹ ẹre iran khin. Deghẹ u na hia ne u gha fannọ otọ ẹko ruẹ ma evbibiẹ ruẹ, ọ gha ya agbọn maan ruẹ, uhiẹn ya sẹ ẹdẹdẹmwẹdẹ!—Itan 4:10-12.
GHEE VIDIO NỌ MWẸ UHUNMWUTA NỌ KHARE WẸẸ ẸGHẸ NE I NA GHA RE EHỌNRRE—VBIA KHIAN YA SẸTIN FANNỌ OTỌ ẸKO MWẸ MA EVBIBIẸ MWẸ HẸ? IYEKE ỌNI, A GHI ZẸ EWANNIẸN YE AVBE INỌTA NA:
De emwi ne Esther vbe Partik ghi do rẹn vbe okiekie?
De emwi ne u miẹn ruẹ vbe igiemwi ọghe Jesu?
De emwi ne evbibiẹ ruẹ he ru nuẹn nọ rhie ẹre ma wẹẹ iran hoẹmwẹ ruẹ?
Evbibiẹ ruẹ hoo ne agbọn maan ruẹ
De ilele eso ni rre Baibol ni gha ru iyobọ nuẹn ya fannọ otọ ẹko ruẹ ma evbibiẹ ruẹ?