Gha Dia Iziro Ruẹ

Ọ khẹke ne ima gha dia iziro ọghe ima vbe ẹghẹ hia rhunmwuda, emwa ni ma gba ẹre ima khin. Deghẹ ima ma na ru vberriọ, ma sẹtin ru emwi nọ gha sọnnọ e Jehova. Vbe igiemwi, emwa eso keghi gi ẹmwẹ evbare, ukpọn kevbe ehe ne iran gha dia, ya iran khian rree ne Jehova. Eso keghi rra uhi ọghe Osanobua, iran ghi gha mwẹ obọ vbe uyinmwẹ alama oghẹ rhunmwuda emwi ne egbe iran gualọ. (Rom 1:26, 27) Emwa eso vbe kue ne ihua iran kpikpi iran ya ru emwi nọ ma gba, rhunmwuda iran hoo ne iran gua usun ro.​—Ẹks 23:2.

Vbe ima khian ya gha dia iziro ọghe ima hẹ? Avbe emwi ni yẹẹ e Jehova ẹre ọ khẹke ne ima gha mu roro. (Mat 4:4) Deba ọni, ọ khẹke ne ima rinmwian e Jehova nọ ru iyobọ ne ima ya gha dia iziro ọghe ima. Vbọzẹ? Rhunmwuda, irẹn ẹre ọ rẹn emwi nọ maan sẹ ne ima, irẹn ẹre ọ vbe rẹn vbene irẹn khian ya rhie emwi ne ima gualọ ne ima.​—Psm 145:16.

GHEE VIDIO NỌ MWẸ UHUNMWUTA NỌ KHARE WẸẸ, GHẸ GI ESIGA NA SI MU RUẸ AGBỌN RHIA, IYEKE ỌNI, A GHI ZẸ EWANNIẸN YE AVBE INỌTA NA:

• 

  Vbọzẹ ne emwa eso na si esiga?

• 

  De emwi ne esiga gha sẹtin si ye ọmwa egbe?

• 

  Vbọzẹ nọ ma na khẹke ne ima gha si esiga kevbe vape?​—2 Kọr 7:1

• 

  Vbua khian ya tama emwa hẹ wẹẹ u ma hoo ne u si esiga? Deghẹ u ka si esiga nẹ, vbua khian ya ban rẹn hẹ?