SEPTEMBER 15-21

ITAN 31

Ihuan 135 Kevbe Erhunmwu | Ẹmwẹ Ọghe Omuso (Ifuanro 1)

EMWI EWE NI RRE UWU ẸMWẸ ỌGHE OSANOBUA

Iye ọmọ ọkpa gha gu ovbi ẹre nokhuo guan, iran eva tota ye aga.

1. Emwi Ne Ima Gha Miẹn Ruẹ Vbe Ibude Ne Iye Ọmọ Ọkpa Rhie Ne Ovbi Ẹre

(Ifuanro 10)

Ma ivbuẹ re aro ne Jehova ya ghee emwi ọdọ vbe amwẹ kevbe orọnmwẹ (Itan 31:3, 10; w11 2/1 19 ¶7-8)

Ru iyobọ ne ivbuẹ, ne iran gha ghee ayọn nọ wegbe na da, zẹvbe ne Jehova vbe ghee ẹre (Itan 31:4-6; ijwhf uhunmwuta 4 ¶11-13)

Ma ivbuẹ re wẹẹ, te ọ khẹke ne iran gha ru iyobọ ne emwa ọvbehe zẹvbe ne Jehova vbe ru ẹre (Itan 31:8, 9; g17.6 9 ¶5)

2. Emwi Ewe Ọghe Orhiọn

(Ifuanro 10)

Itan 31:10-31—Vbọ ru iyobọ ne Ivbi Izrẹl, ne iran na sẹtin gha rẹn ọnrẹn ye uhunmwu avbe uviẹn ni rre abọ ọghe Evbagbẹn Nọhuanrẹn Na Ya E Hibru Gbẹn? (w92 11/1 11 ¶7-8)

Ewanniẹn ruẹ
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?

Ewanniẹn ruẹ

3. E Baibol Na Tie

(Ifuanro 4) Itan 31:10-31 (th iruẹmwi 10)

RHIEGBE YE IWINNA IKPORHU IYẸN NỌ MAAN

4. U Gha Khian Suẹn Gha Gu Emwa Guan

(Ifuanro 3) IKPORHU ỌGHE ẸGHẸ KE ẸGHẸ. Emwi ne ọmwa na ru, ra ẹmwẹ nọ tae rhie ẹre ma wẹẹ, ọ mwẹ ekhọe esi; hia ne u suẹn gha gu ẹre guan. (lmd iruẹmwi 5 uhunmwu ẹmwẹ 3)

5. U Gha Khian Suẹn Gha Gu Emwa Guan

(Ifuanro 4) KE OWA YA SẸ OWA. Tama ọmwa na, ọkpa vbe usun “Ẹmwata Ne Ima Hoo Ne Ima Gha Ma Emwa Ẹre” ni rre apẹndis A ọghe ebe ẹmu na tie ẹre Hoẹmwẹ Emwa. (lmd iruẹmwi 1 uhunmwu ẹmwẹ 4)

6. Rhie Obọ Lelẹe

(Ifuanro 5) KE OWA YA SẸ OWA. Tie ọmwa nọ miẹn ruẹ The Watchtower No. 1 2025, gha die iko, nọ do danmwehọ ọta ne kpataki. (lmd iruẹmwi 7 uhunmwu ẹmwẹ 4)

UYINMWẸ ỌGHE IMA NE IVBI OTU E KRISTI

Ihuan 121

7. Ru Iyobọ Ne Ivbuẹ Ne Iran Mieke Na Gha Ya Ẹwaẹn Loo Ekọmputa Ra Efoni

(Ifuanro 8) Ọta na koko zẹ iro yan.

U he ka miẹn ọvbokhan kherhe vbọ ghaa loo avbe app ni rre uwu efoni ra etablẹt ra? Ẹ i zẹdẹ lọghọ iran! Ibiẹka i kẹ gualọ iyobọ, iran ke fiẹnro vbene a ya loo efoni ra ekọmputa hẹ. Sokpan, te ọ khẹke na gha ru iyobọ ne iran vbe ẹghẹ hia, ne iran mieke na gha ya ẹwaẹn loo ẹre. Adeghẹ evbibiẹ emọ ẹre u khin, vbua khian ya ru iyobọ ne ivbuẹ hẹ, ne iran mieke na gha ya ẹwaẹn loo efoni ra ekọmputa ọghe iran?

Efoto nọ ladian vbe vidio nọ mwẹ uhunmwuta nọ khare wẹẹ “Gha Loo Ẹghẹ Ruẹ Ẹse.” E Sophia gha sọyẹnmwẹ egbe vbe ọkpẹn okun, ọ gha ghee etablẹt ọghẹe, ọ gha muẹn roro vbene ehẹn na tie ẹre dolphin ya ya e ball ku hẹ, vbe uwu okun nọ sikẹ ọre.

Kpee VIDIO na Gha Loo Ẹghẹ Ruẹ Ẹse. Iyeke ọni, u ghi we ne etẹn zẹ ewanniẹn ye avbe inọta na:

Vbọzẹ nọ ma na khẹke ne ima gha loo ẹghẹ nọ bun gbe ya piẹn efoni ra ekọmputa ọghe ima?

Ewanniẹn ruẹ
De emwi eso nọ khẹke ne ima gha loo ẹghẹ ọghe ima yi?

Ewanniẹn ruẹ

Adeghẹ u khian gbe uhi ne ẹgbẹe ruẹ, gi avbe ilele ni rre Baibol dia ruẹ, ne u gha te ya gha lele emwi ne evbibiẹ emọ ọvbehe ru. (Gal 6:5) Vbe igiemwi, nọ egbuẹ wẹẹ:

Ovbi mwẹ rhie ẹre ma nẹ wẹẹ, irẹn gha sẹtin ru azẹ nọ khẹke ra? Ọ sẹtin dia egbe ẹre vbene ọ khẹke ra, nọ gha ya mwẹ rhie efoni mwẹ nẹ, ra nọ gha yae gha mwẹ ọghe obọ re ra?—1 Kọr 9:25
Ọ khẹke ne I gi ovbi mwẹ ọkpa gha loo ekọmputa ra efoni vbene ọmwa rhọkpa i na gu ẹre rre evba ra?—Itan 18:1
De aro app ne I gha kue ne ovbi mwẹ gha loo? De aro websait ne I gha kue ne ovbi mwẹ gha la?—Ẹfis 5:3-5; Fil 4:8, 9
Inu ẹghẹ ẹre ọ khẹke ne I rhie nẹẹn nọ ya gha loo efoni ra ekọmputa, nọ mieke na miẹn ẹghẹ ya gha ru emwi ọvbehe ni ru ekpataki?—Asan 3:1