UYINMWẸ ỌGHE IMA NE IVBIOTU E KRISTI
Gi Emwa Rẹn Wẹẹ Vbe Nẹi Khian Ghi Kpẹẹ Gbe, Agbọn Ọgbọn Gha Rre!
Vbe uki e November, ma gha ru sayọ vbe iwinna ikporhu iyẹn nọ maan, ne ima mieke na gi emwa rẹn wẹẹ, vbe nẹi khian ghi kpẹẹ gbe agbọn ọgbọn gha rre. (Psm 37:10, 11; Arhie 21:3-5) Mwamwa ẹghẹ ruẹ ẹse ne u mieke na sẹtin gha mwẹ ọghae vbe emwamwa ikporhu ne kpataki na. Etẹn ni rhie obọ ye arọndẹ ọghe ovbi ẹghẹ kherhe gha sẹtin rhie ughaẹdẹ 30 ra 50 ladian vbe uki na.
Hia ne u ya ako ọghe evbagbẹn nọhuanrẹn ni guan kaẹn agbọn ọgbọn kporhu ma emwa ne u rhirhi miẹn. U ghaa mu egbe yotọ, u ghi gualọ ako ọghe evbagbẹn nọhuanrẹn nọ gha sẹ ekhọe ọghe emwa ni rre ẹdogbo ne u ye. Deghẹ u miẹn ọmwa nọ mwẹ ẹkorhiẹnrhiẹnmwẹ, u ghi rhie Watchtower No. 2 2021 nẹẹn. Dọlegbe mu otuẹ gie ẹre vbobọvbobọ, ne u ya ebe ẹmu na tie ẹre Sọyẹnmwẹ Arrọọ Vbe Etẹbitẹ! ya suẹn gha gu ẹre ruẹ emwi. U miẹn ọyẹnmwẹ nọ sẹ ima ne ima na kporhu “iyẹn nọ maan” ọghe emwi ni maan ni dee vbe odaro!—Aiz 52:7.
GHEE VIDIO ỌGHE IHUAN NỌ MWẸ UHUNMWUTA NỌ KHARE WẸẸ, AGBỌN ỌGBỌN GHA RRE NẸ, IYEKE ỌNI, A GHI ZẸ EWANNIẸN YE AVBE INỌTA NA:
De emwi nọ khian sunu vbe odaro ne ọvbokhan okhuo na mu roro?
De emwi eso ne uwẹ yaro yi vbe agbọn ọgbọn nọ kakabọ gbe ruẹ otiti?
U ghaa muẹn roro emwi ne u yaro yi vbe agbọn ọgbọn nọ dee, vbọ khian ya ru iyobọ nuẹn ya rhiegbe ye iwinna ikporhu ne kpataki na khian ru vbe November?—Luk 6:45