EMWI EWE NI RRE UWU ẸMWẸ ỌGHE OSANOBUA

Ya Ẹwaẹn Zẹ Okhuo Ne U Khian Rhie, Ra Okpia Ne U Khian Rọnmwẹ

E Solomọn keghi viọ ikhuo ni ga ẹbọ rọnmwẹ, emwi ukọnmwẹ ẹre ọna wa gha khin (1 Ọba 11:1, 2; w18.07 18 ¶7—mwbr22.09)

Ẹdẹ ghi rrie ẹdẹ, avbe ikhuo ne Solomọn rhie re, keghi do yae fi iyeke gbe Jehova (1 Ọba 11:3-6; w19.01 15 ¶6—mwbr22.09)

Emwi ne Solomọn ru keghi ya ohu mu e Jehova (1 Ọba 11:9, 10; w18.07 19 ¶9—mwbr22.09)

Avbe Efoto: Ọtẹn nokhuo ọkpa nọ ma he ru orọnmwẹ gha ruẹ e Baibol ne egbe ẹre, ọ vbe mu ẹmwẹ ọtẹn nokpia ọkpa nọ re okhiọnkpa roro. 1. Nene ọtẹn nokpia zẹ ewanniẹn vbe iko. 2. Ọ kporhu vbe adesẹ orere. 3. Ọ winna vbe Ọgua Arriọba.

E Baibol rhie ibude ne Ivbiotu e Kristi ni re okhiọnkpa, ne iran gi emwa ne iran khian rọnmwẹ gha re emwa ni ga e Jehova. (1 Kọr 7:39) Vbọrhirhighayehẹ, okpia i khian sẹtin kha wẹẹ, rhunmwuda wẹẹ okhuo ne irẹn miẹn dinmwiamẹ nẹ, irẹn gha wa sẹtin rhie ẹre. Erriọ vbe ye ne ikhuo, rhunmwuda, idinmwiamẹ ọkpa ma sẹ. Okpia ne u khian rọnmwẹ, ra okhuo ne u khian rhie, gha ru iyobọ nuẹn ya gha ya ekhọe hia ga e Jehova ra? Odẹ nọ ya ru emwi rhie ẹre ma wẹẹ, ọ ya ekhọe hia hoẹmwẹ e Jehova ra? Vbene u te ru orọnmwẹ, u ghi hia ne u kakabọ rẹn ọmwa ne uwa khian gba ru orọnmwẹ.