Vbọzẹ Ne Uwa Na Kporhu Ke Owa Yase Owa?

E Jesu tama erhuaengbe ẹre, ‘ne iran ye emwa vbe agbẹnvbo hia khian erhuaengbe irẹn.’ (Matiu 28:19, 20) Vbe ẹghẹ ne Jesu na gie erhuaengbe ẹre nokaro, ọ keghi tama iran ne iran bu emwa gha rhie owa. (Matiu 10:7, 11-13) Vbe Jesu ghi wu nẹ, Ivbiotu e Kristi ke wa ye gha ye ne iyẹn nọma wewe khian vbe ‘idagbo kevbe ke owa ya se owa.’ (Iwinna 5:42; 20:20) Ima keghi rhie owẹ lele igiemwi ọghe Ivbiotu e Kristi nokaro, ma na do le evba miẹn wẹẹ, ikporhu ne a na ke owa kpa la owa keghi re odẹ nọ maan na gha sẹtin ya se ehe ne emwa ye.