Uwa Ye Jesu Yi Ra?

Ẹẹn. Ma ye Jesu yi nọ khare wẹẹ: Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹi rrọọ vbe ẹi re wẹ tẹ ọ la obọ mwẹ.” (Jọn 14:6) Ima yayi wẹẹ, ẹrinmwi ẹre Jesu ke gha dee otagbọn kevbe wẹẹ, ọ na ye arrọọ ọghẹe nọ gbae ya ru izọẹse ọghe adẹwerriegbe. (Matiu 20:28) Uwu ne irẹn wu kevbe arriọkpaegbe ọghẹe irẹn, ẹre ọ zẹẹ ghe ẹkpotọ kie ne emwa ni mwẹ amuẹtinyan yan irẹn ya gha mwẹ arrọọ ọghe etẹbitẹ. (Jọn 3:16) Ma vbe yayi wẹẹ, Jesu wa kha nia zẹvbe Ọba ọghe Arriọba Osanobua nọ rre ẹrinmwi, kevbe wẹẹ, Arriọba nii gha rherhe rhie ọfunmwegbe gha dee otagbọn hia. (Arhie Maan 11:15) Vbọrhirhighayehẹ, ma keghi yaeyi emwi ne Jesu ta, nọ na kha wẹẹ: “Evbavba kpọlọ sẹ mwẹ.” (Jọn 14:28) Nọnaghiyerriọ, ma i rhie ugamwẹ ne Jesu, rhunmwuda ima ma yayi wẹẹ, irẹn ọre Osanobua nọ kpọlọ sẹ.