3. Vbua khian ya miẹn ẹghẹ ne u khian ya gha tie Baibol?

Ọ lọghọ u ke miẹn ẹghẹ ya gha tie Baibol ra? Ọ wa lọghọ ima nibun. Ọna ẹre ọ si ẹre nọ na khẹke ne ima gha loo ẹghẹ ima ẹse. (Ẹfisọs 5:16) Nọnaghiyerriọ, gha zẹ ẹghẹ kọ ne u ya gha tie Baibol vbe ẹdẹgbegbe. Owiẹ fioro ẹre emwa eso ya tie Baibol. Emwa eso tie vbe odẹ ẹghẹ ne iran ya rri evbare avan, vbene emwa eso na tie vbe asọn, iran ke lovbiẹ. De ẹghẹ nọ gha maan sẹ ne uwẹ?

3. Gi e Baibol gha dia ruẹ

E VIDIO: Gi Ilele Ni Rre Baibol Gha Dia Ruẹ (5:54)

• Vbọ re asẹ na ya zẹ ne egbe ọmwa?

• Vbọzẹ ne Jehova na rhie asẹ na ne ima?

• De emwi ne Jehova kpemehe ẹre, nọ gha ru iyobọ ne ima ya gha loo asẹ na ya zẹ ne egbe ọmwa, vbe odẹ nọ ghi maan sẹ?

Ghee ilele ọkpa nọ rre Baibol. Tie Ẹfisọs 5:15, 16, iyeke ọni, uwa ghi ziro yan emwi ne u gha ru, ne u mieke na miẹn ẹghẹ . . .

• ya gha tie Baibol vbe ẹghẹ hia.

• ya gha ru emwi nọ gha ya ruẹ gha re ọdọ, amwẹ, evbibiẹ ọmọ, ra ọmọ nọ maan.

• ya gha yo iko vbe ẹghẹ hia.

2. Vbọzẹ nọ na khẹke ne ima gha begbe vbe nọ dekaẹn ẹghẹ ne ima loo ya sọyẹnmwẹ egbe?

Odẹ ne ima ya rọkhọ egbe sẹtin gha yẹẹ e Jehova, sokpan ọ khẹke ne ima gha begbe, ne ima ghẹ gha loo ẹghẹ nọ kpọlọ gbe yọ. Deghẹ ima ma begbe, ma i ghi miẹn ẹghẹ nọ sẹ omwa ya gha ru emwi ni gele ru ekpataki. E Baibol rhie igiọdu ne ima, ne ima gha “loo [ẹghẹ ima] ẹsẹse.”​—Tie Ẹfisọs 5:15, 16.

4. Gha loo ẹghẹ ruẹ ẹse

E VIDIO: De Emwi Ne Uwẹ Loo Ẹghẹ Yi? (2:45)

• Agharhemiẹn wẹẹ, ọtẹn ne ima miẹn vbe vidio na, ma gha ghee ughe dan, de emwi nọ ma gi ẹre bẹghe odẹ?

Tie Filipai 1:10, iyeke ọni, uwa ghi ziro yan inọta na:

• De vbene ako na gha ya ru iyobọ ne ima, ne ima ghẹ gha loo ẹghẹ nọ kpọlọ gbe ye irọkhegbe?