UYINMWẸ ỌGHE IMA NE IVBIOTU E KRISTI
Arrọọ Nọ Ghi Maan Sẹ
Ẹkpotọ nibun ẹre ọ wa kie ne igbama vbe iko ọghe Jehova. Ghee ne vidio Arrọọ Nọ Ghi Maan Sẹ ne u bẹghe vbene Cameron ya loo arrọọ ọghẹe hẹ vbe odẹ nọ khẹke zẹvbe igbama. Iyeke ọni, u ghi rhie ewanniẹ ye avbe inọta na. (Gha rrie ne ako jw.org, kevbe ne u ghee ototọ BIBLE TEACHINGS > TEENAGERS.)
De emwi nọ wa mobọ ru ekpataki sẹ vbe arrọọ ọghe Cameron?
De ẹghẹ ne irẹn ya tamuolọyan rẹn wẹẹ irẹn hoo ne irẹn ya rhiegbe ye iwinna ikporhu sayọ kevbe de vbene ọ ya ruẹ hẹ?
De emwamwa ne irẹn ru nọ mieke na sẹtin ya ga vbe ehe ne a na gualọ iyobọ vbe ẹvbo ọvbehe?
De avbe isievẹn ne Cameron werriẹ aro daa vbe ẹghẹ ne irẹn ya gha ga vbe isi?
De ere nọ gha kẹ ladian deghẹ ima na ya ga vbe ehe ne ima ma na he ka ga ẹdẹ?
De avbe afiangbe ne Cameron miẹn?
Vbọzẹ ne a na la ugamwẹ ọghe Jehova miẹn arrọọ nọ ghi maan sẹ?
De avbe ẹkpotọ ọvbehe ni kie ne igbama vbe iko ọghe Jehova?