Gia Gha Rhie Igiọdu Ne Egbe

1. Ọ khẹke n’ima gha rhi’ ’giọdu

Ne ’tẹn na gba g’e Jehova.

Gima y’ekhọe ọgh’ahoẹmwọmwa

Gha ruemwi kugbe vb’ẹghẹ hia.

Eguọmwadia ọghe Jehova

Keghi sọyẹnmwẹ vb’ẹghẹ hia.

Ma keghi wa mi’ ’gbẹkunsotọ

Vb’iko n’ima yo vb’ẹghẹ hia.

2. Ọ khẹke n’ima gha rhi’ ’fuẹko

Ne ’tẹn ni rr’uw’ọlọghọmwa!

Ẹmwẹ nọ wa muọmwa ’rhiọn sotọ

Gha ruiyobọ ne ’tẹn vberriọ.

Ọ khẹke n’ima gu’ob’etẹn hia;

Gima gha muẹmw’iran roro!

Ọ khẹke na gha rhi’ayayẹro

Ne ’tẹn ni rr’uw’ibavbaro.

3. Ma keghi rr’ẹghẹ nọ wa wegbe;

Ufomw’agbọn na sotọ nẹ.

Gima wa gha y’iko vb’ẹghẹ hia,

N’ima mieke na mudiase.

Gima gha rhi’ugamwẹ nọhuanrẹn

N’Osanobua mwa vb’ẹghẹ hia.

Gima gha rhi’ ’giọdu ne ’tẹn hia,

N’iran mwẹ ’ziengbe s’ufomwẹ.