UYINMWẸ ỌGHE IMA NE IVBIOTU E KRISTI
Ru Iyobọ Ne Ivbuẹ Ne Iran Gha Lele Kristi
Adeghẹ evbibiẹ emọ na bẹghe ẹre wẹẹ, ivbi iran ‘mianmian ọghe enegbe iran, kevbe wẹẹ iran vbe mu erhan irrioya ọghe iran gha lele Jesu khian,’ oghọghọ nọ sẹ ọre i rrọọ. (Mak 8:34; 3 Jọn 4) De emwi ne evbibiẹ emọ gha ru, ne ivbi iran mieke na sẹtin gha lele Jesu khian, ne iran ya egbe fiohan ne Jehova kevbe ne iran dinmwiamẹ? De emwi eso ne evbibiẹ emọ gha bẹghe vbe egbe ivbi iran, nọ gha rhiẹre ma wẹẹ ivbi iran muegbe ne iran ya dinmwiamẹ?
Tie ako nọ mwẹ uhunmwuta nọ khare wẹẹ “A Message to Christian Parents” nọ rre ipapa 165-166 ọghe ne ebe Organized to Do Jehovah’s Will. Vbe iyeke ọni, a ghi ziro yan avbe inọta na:
De emwi na ya ọrhuanegbe kha?
De emwi nọ khẹke ne evbibiẹ emọ maa ivbi iran re?
De vbene emọ khian ya hia hẹ, ne iran gha lele adia ni rre avbe ako evbagbẹn nọhuanrẹn na, zẹvbe ne ẹwaẹn ọghe iran he, vbe sẹ ne iran mieke na gbegba nọ gha dinmwiamẹ?
Psm 122:1