Vbene A Ya Guẹ Sayọ Vbe Iwinna Ikporhu—Vbene A Ya Ya Etẹlifoni Kporhu

EVBỌZẸE NỌ NA RU EKPATAKI: Etẹlifoni na ya kporhu keghi re obẹlẹ ọvbehe ne ima gha sẹtin loo ya kporhu “iyẹn nọ maan” ẹsẹsẹmwẹse. (Iwinna 20:24)a Ọ ru iyobọ ne ima ya sẹtin kporhu ma emwa ne ẹkpotọ ma kie ne ima ya kporhu ma ghee mwẹ ghee ruẹ.

VBENE A YA RU ẸRE HẸ:

• 

  Muegbe yotọ. Gualọ uhunmwuta nọ kakabọ wa yẹẹ emwa. Iyeke ọni, u ghi gbẹnnẹ emwi ne u hoo ne u ta yotọ. U sẹtin vbe muegbe ẹmwẹ ne u khian ta yotọ adeghẹ nene kọl na lae answering machine. U sẹtin mu etebul ye odaro ruẹ, u ghi viọ ebe ne u gbẹnnẹ emwi ne u khian ta yi kevbe emwi ọvbehe ne u gha sẹtin loo ye uhunmwu nene etebul vbe na ghee efoni ra ekọmputa nọ mwẹ JW Library^® ra nọ gha sẹtin kie jw.org^®

• 

  Ghẹ fian afianma. Gha guan vbe odẹ ọghe abiọmwabiẹ. Gha muẹnmuẹn ogiẹ vbene a miẹn wẹẹ te u gu ọmwa nii guan ghee mwẹ ghee ruẹ. U ghaa guan, ghẹ wa gheghe hunwan. U ghaa ya efoni kporhu, u sẹtin tie ọmwa ọvbehe nọ deba ruẹ, ọna gha wa ru iyobọ nuẹn. Adeghẹ ọ yan owa na nọ ọta, u ghi dọlegbe tae ladian, ne ọmwa ne uwa gba winna mieke na gualọ ewanniẹn ọghe nene inọta

• 

  Gbe ẹyotọ atuẹ werriegbe. U sẹtin nọ ọta ọkpa ne u khian rhie ewanniẹn yi vbe u gha dọlegbe ya efoni tie ẹre. U sẹtin tama rẹn wẹẹ, u gha ya efoni ra ekọmputa sẹnd ebe ọghomwa gie ẹre ra u gha tobọ ruẹ rhie gie ẹre. U sẹtin vbe tama rẹn wẹẹ, u gha ya efoni ra ekọmputa sẹnd e vidio gie ẹre ra e link nọ gha rhie ẹre gha rrie jw.org^®, nọ mieke na sẹtin tie uhunmwuta ughughan ni rre evba. Deghẹ ẹkpotọ na kie, u sẹtin tama rẹn vbekpae emwi ọvbehe nibun ni rre wẹbsait ọghomwa