Gha Mwẹ Alaghodaro!

1. Gha mw’alaghodaro; rhiegbe ruẹ ladian!

Giemwa hia wa rẹn ruẹ zẹvb’ọmwa nọ mwẹ ’zọghae.

Gha mw’alaghodaro vb’iwinn’ikporhu;

Osa gha ruiyobọ nuẹ.

Ẹkpotọ nibun wa kie n’ima

Vb’ugamwẹ ọgh’Osanobua mwa.

Gia ruiyobọ ne ’mwa ni gual’ẹmwata.

Osa gha rhi’ẹtin n’ima.

2. Gha mw’alaghodaro; ghẹ giohan mu ruẹ!

Y’udinmwẹ guemwa guan vbekpa ’rriọb’Osanobua.

Kham’emwa wẹẹ ’d’ibuohiẹn sotọ fo nẹ;

We n’iran muegbe yotọ.

Avbe ’ghian gha siohan yọ ruẹ ’gbe,

Ghẹ siegbe, ye gha guemwa hia guan.

Kham’emwa we n’iran sikọsanobua.

Ghẹ zẹdẹ giegbe wọọ ruẹ.

3. Gha mw’alaghodaro; gha ruẹ ’mwi sayọ.

Gha loẹwaẹn vb’ifuẹro

vb’odẹ nu ya guemwa guan.

Osa gha wa y’orhiọn nọhuanrẹn dia ruẹ.

T’u khian wa gha sọyẹnmwẹ.

Ghẹ wa miami’emwa nu kporhu ma;

Ọ khẹke nu ye gha n’ẹmw’iran.

Ruiyobọ n’iran ya dobọ muẹmwata,

N’iran mieke na miẹn fan.