INỌTA 18
Vbua khian ya sẹtin sikẹ Osanobua hẹ?
“Eo, Osa nọ họn erhunmwu, emwa hia gha ke ehe hia bu ruẹ rre.”
Psalm 65:2
“Ya ekhọe ruẹ hia mu ẹtin yan e Jehova. Ghẹ mu ẹtin yan emwi ne uwẹ roro ighẹ uwẹ rẹnrẹn. Gha ye ẹre rre vbe emwi ne u ru hia, ọ gha vbe gha ma ruẹ odẹ nọ kere.”
Itan 3:5, 6
“Emwi nọ khian ya iran gha mwẹ arrọọ ọghe etẹbitẹ, ọre ne iran do rẹn uwẹ ne Osanobua ọkpa nọ re ọghe ẹmwata, kevbe ọmwa nii ne u gie rre, nọ re Jesu Kristi.”
“Ẹmwata nọ rrọọ ọre wẹẹ, [Osanobua] ma rree ne ọmwa rhọkpa vbe uwu ima.”
“Erhunmwu ne I na ne uwa vbe ẹghẹ hia ọre ne ahoẹmwọmwa ne uwa mwẹ gha wegbe yọ, ne uwa gha mwẹ irẹnmwi nọ gbae, wa ghi vbe sẹtin gha rẹn otọ emwi ẹse.”
“Adeghẹ ọmwa rhọkpa vbe uwu uwa gualọ ẹwaẹn, we nọ ye gha nọ Osanobua, Osanobua gha rhie nẹẹn; rhunmwuda, irẹn keghi viọ emwi ne emwa hia wọrhọwọrhọ, ẹ i vbe yae gbe ọmwa okan.”
“Wa sikẹ Osanobua, irẹn gha vbe sikẹ uwa. Wa kpe obọ uwa huan, wa ne emwa orukhọ, wa ghi vbe kpe ekhọe uwa huan, wa ni bọ iro eveva.”
“Emwi na ya ahoẹmwọmwa ọghe Osanobua kha, ọre ne ima gha lele uhi ẹre; uhi nọ gbe ne ima i vbe re nọ lọghọ na lele.”