INỌTA 10
De emwi ni maan ne Baibol wẹẹ ọ khian sunu vbe odaro?
“Emwa esi ẹre ọ ra yin uhunmwu otagbọn na, iran ghi vbe gha rrọọ vbe etẹbitẹ.”
Psalm 37:29
“Uhunmwu otagbọn na keghi rrọọ vbe etẹbitẹ.”
Asan-Ibo 1:4
“E Jehova ne Osa Ne Udazi gha fuẹn uwu rua ẹdẹdẹmwẹdẹ. Ọ gha khiẹn ameve hin aro emwa hia rre.”
Aizaia 25:8
“Ẹghẹ nii, avbe arhuaro gha bẹghe odẹ, avbe ayenhọ gha họn ẹmwẹ. Ẹghẹ nii, avbe uke gha san ghee odukhunmwu vbe na ghee ẹrhuẹ. Iran nẹi sẹtin guan gha davan ne oghọghọ. Amẹ gha gbe kua vbe uwu ato, ẹzẹ ghi gha lẹẹ vbe otọ nọ kae ne emwi rhọkpa i ye.”
Aizaia 35:5, 6
“Ọ gha khiẹn ameve hia hin aro iran rre. Uwu i khian ghi gha rrọọ, ra akhiẹ ra eve ra obalọ. A ho emwi nẹdẹ hia bẹkun nẹ.”
“Emwa gha bọlọ owa, iran ghi vbe yin ẹnrẹn, iran i khian bọlọ owa ne ẹrrẹe ya yin ẹnrẹn. Iran gha mu ugbo azara, iran ghi vbe rhọ emwi ne iran winna yi. Ẹrrẹe i khian do rhọ emwi ne iran miẹn ẹsọn yi. Emwa mwẹ gha wa tọ zẹvbe erhan. Iran gha miẹn emwi ne iran miẹn ẹsọn yi ya ru ẹsẹsẹmwẹse.”
Aizaia 65:21, 22