Ugamwẹ Na Gua Re
Osa ọkpa ẹre emwa ni rre ugamwẹ hia ga ra?
Diut 32:16, 17; 1 Ọba 11:33; 1 Kọr 8:5, 6; 10:20
E Jehova gha rhan obọ miẹn ugamwẹ ughughan yi ra, agharhemiẹn wẹẹ, emwi ne iran ma emwa ẹre lughaẹn ne egbe ra?
Mat 7:13, 14; Jọn 17:3; Ẹfis 4:4-6
Igiemwi ni rre Baibol ni gha sẹtin ru iyobọ nuẹn:
Jọs 24:15—E Jọsua keghi kha wẹẹ, te emwa gha zẹ ne egbe iran deghẹ e Jehova ẹre iran khian ga ra osa ọvbehe
1 Ọba 18:19-40—E Jehova keghi loo akhasẹ ighẹ Ẹlaija ya gi emwa rẹn wẹẹ, ọ ma khẹke ne emwa ni ga irẹn vbe odẹ ọghe ẹmwata gha ga osa ọvbehe, vbe na ghee Bel
De aro ne Jehova ya ghee avbe ẹbọ ne emwa ga? Vbọ ye Jehova hẹ, vbe emwa ghaa ga ẹbọ?
Ẹks 12:12; Nọm 25:2-5; Diut 12:29-31; Zẹf 2:11
Adeghẹ emwa na gha kha wẹẹ, e Jehova ẹre iran ga, sokpan, iran mwẹ obọ vbe uyinmwẹ ni sọnnọ e Jehova, de aro ne Jehova ya ghee ugamwẹ ọghe iran?
Aiz 1:13-15; 1 Kọr 10:20-22; 2 Kọr 6:14, 15, 17
Igiemwi ni rre Baibol ni gha sẹtin ru iyobọ nuẹn:
Ẹks 32:1-10—Vbe Ivbi Izrẹl ghi kpikpi Erọn nọ ma ẹbọ ne iran, Erọn keghi ma amazẹ ọghe ẹkhuia ẹmila, ne iran ya do ugie; iran na wẹẹ, te iran ya ugie nii rhie uyi gie Jehova. Ọna keghi ya ohu mu e Jehova ẹsẹse
1 Ọba 12:26-30—Rhunmwuda ne Ọba e Jeroboam ma na hoo ne emwa rẹn gha yo ọgua Osa nọ rre Jerusalẹm, ọ keghi ma ẹbọ ne iran, ọ na wẹẹ, iran ghaa gae, e Jehova ẹre iran ga vberriọ; ọna keghi si iran fi orukhọ
De emwi ne Jehova tama Ivbi Izrẹl vbekpa na gha gu emwa ni ga ẹbọ mu obọ?
Ẹks 23:31-33; Diut 7:1-4
De emwi ne Jehova ru vbe ẹghẹ ne emwa rẹn na gha mwẹ obọ vbe ugamwẹ ọvbehe?
Giọg 10:6, 7; Psm 106:35-40; Jer 44:2, 3
Igiemwi ni rre Baibol ni gha sẹtin ru iyobọ nuẹn:
1 Ọba 11:1-9—Ikhuo nẹi ga e Jehova ne Ọba e Sọlomọn viọ re kegha kpikpi ẹre nọ deba iran gha ga ẹbọ; e Sọlomọn na gele ru vberriọ, emwa ọvbehe na vbe ya egbe taa ẹre. Ọna ma zẹdẹ ya e Jehova ghọghọ
Psm 78:40, 41, 55-62—Esaf khare wẹẹ, ọ wa kakabọ da e Jehova ne Ivbi Izrẹl na sọtẹ daa ẹre, iran na vbe gha ga ẹbọ; ọna keghi ya e Jehova fi iyeke gbe iran
De emwi ne Jesu ru, vbe ọ bẹghe ẹre wẹẹ emwa ma emwa emwi ni gbodan ghee Ẹmwẹ Osanobua?
Igiemwi ni rre Baibol ni gha sẹtin ru iyobọ nuẹn:
Mat 16:6, 12—Jesu keghi ya imamwaemwi ọghe avbe Farisi kevbe ọghe avbe Sadusi gie eyist, rhunmwuda, te imamwaemwi ohoghe rherhe vẹwae; ọ gha ghi vẹwae nẹ, emwa i ghi rẹn ẹmwata nọhuanrẹn nọ rre Ẹmwẹ Osanobua
Mat 23:5-7, 23-33—Jesu keghi kakabọ gbodan ye uyinmwẹ okeke kevbe imamwaemwi ohoghe ọghe avbe skraib kevbe ọghe avbe Farisi
Mak 7:5-9—Jesu keghi gi emwa rẹn wẹẹ, te avbe skraib kevbe avbe Farisi sẹ Ẹmwẹ Osanobua rae, iran na rhikhan mu ilele ọghe emwa nagbọn
Jesu hoo ne erhuanegbe ẹre ghae egbe ye ugamwẹ ughughan ra?
Igiemwi ni rre Baibol ni gha sẹtin ru iyobọ nuẹn:
Jọn 15:4, 5—Jesu keghi loo igiemwi ọghe erhan e vaẹn ya gi erhuanegbe ẹre rẹn wẹẹ, ọ khẹke ne iran gha mwẹ akugbe, iran ghi vbe gu irẹn gha rrọọ vbe akugbe
Jọn 17:1, 6, 11, 20-23—Vbe asọn nokiekie ne Jesu gbe vbe agbọn, ọ keghi na erhunmwu gie Osanobua nọ ru iyobọ ne erhuanegbe ẹre ya gha mwẹ akugbe
Iyayi ọkpa ẹre iko ughughan ni ghaa rrọọ vbe ẹghẹ ọghe Ivbi Otu e Kristi nẹdẹ ghaa mwẹ ra? Odẹ ọkpa ẹre iran vbe ya gha ga e Jehova ra?
Igiemwi ni rre Baibol ni gha sẹtin ru iyobọ nuẹn:
Iwinna 11:20-23, 25, 26—Te etẹn ni ghaa rre iko vbe Antiọk kevbe Jerusalẹm wa gha mwẹ akugbe, erriọ ẹre iran vbe ya gha ru emwi kugbe
Rom 15:25, 26; 2 Kọr 8:1-7—Te etẹn ni rre iko ughughan ni ghaa rrọọ vbe ẹghẹ ọghe avbe ukọ wa gha zẹ emwi obọ ne etẹn ni gualọ iyobọ, nọ rhie ma wẹẹ, iran wa gha mwẹ ahoẹmwọmwa kevbe akugbe
Ugamwẹ hia ni kha wẹẹ, iran ya e Kristi yi, ẹre Osanobua rhan obọ miẹn yi ra?
Adeghẹ emwa ni kha wẹẹ, iran ga Osanobua, ma na lele imamwaemwi ọghe Kristi kevbe ọghe avbe ukọ, Osanobua gha miẹn ugamwẹ ọghe iran yi ra?
Iwinna 20:29, 30; 1 Tim 4:1-3
Igiemwi ni rre Baibol ni gha sẹtin ru iyobọ nuẹn:
Mat 13:24-30, 36-43—Jesu keghi zẹ erre ọkpa nọ ya rhie ẹre ma wẹẹ, vbene irunmwu zọọ vbe uwu ugbo emwiokọ, erriọ ẹre emwa nibun ni tie egbe iran Ivbi Otu e Kristi khian ya rhiegbe ma vbe uwu iko, iran ghi do miẹn agba dia
1 Jọn 2:18, 19—Vbe ukọ e Jọn khian enọwanrẹn nẹ, ọ keghi kha wẹẹ, eghian e Kristi nibun rẹnrẹn la uwu iko nẹ; na kha na, odẹ ukpo 100 C.E. ghaa nọ
De emwi nọ gha sẹtin sunu, deghẹ a na kue ne emwa ni mu imamwaemwi ohoghe khian kevbe ni yin uyinmwẹ nọ ma khẹke Ivbi Otu e Kristi gha rre uwu iko?
De emwi nọ khẹke ne Ivbi Otu e Kristi ru, ne iran mieke na ye gha mwẹ akugbe?
Vbọzẹ nọ ma na khẹke ne Ivbi Otu e Kristi gha mwẹ obọ vbe ugamwẹ ohoghe?
Vbọzẹ nọ na khẹke ne ima gi emwa rẹn vbekpa avbe imamwaemwi ohoghe ne ugamwẹ ohoghe ma emwa ẹre?
Jer 14:14; 23:13, 14, 16; Mat 15:12-14; 23:13-26