1 Corinthians

10 Kitohtáwaiʼstamáttsoohpoaawa iyóomiiksi ki ohkíímiiksi, iihtóʼtsiistsi Áókakihtsimawa, amá iyóomiwa ááhkssayiistapáaatahsi óomi. 11 Ikkamíístapáaatahsayi, saakiáwaatowaʼpistotoawa máátáakattohkottóomiwa tsááhtaoʼ ááksstamssapistotootsiimiiwa óomi; ki amá ohkíímiiwa máátáaksiistapáaatsiiwa otohkíímaani. 12 Máátaaniiwa Áókakihtsimawa, niistówa noohkáánistayaawa stsíkiksi: Ikkamítstsiiʼki kitsitapííminnoona iitohkíímiiwa máátáómaiʼtakiwa ki ámohka otohkíimaani ikkamáísapiʼtsiʼsi ááhkohpokáópiimahsi áómaiʼtakiwa, amá áómaiʼtakiwa máátáaksiistapáaatsiiwa otohkíímaani; 13 ki amá aakííwa ikkamítóomiisi máátáómaiʼtakiwa nínaawa ki ikkamáísapiʼtsiisi ááhkohpokáópiimahsi áómaiʼtakiwa, amá áómaiʼtakiwa máátáaksiistapáaatsiiwa óomi.