2 Timothy

3 Nóóhkssksinit ámohka, sakóíksistsikoistsi áakitstsiiʼpa annó iiyíkoistsi máátáakaohkottsipoyísskihtsiiʼpiaawa. 2 Nínaiksi áakáwaawattawaakomimmohsiyaawa, áakáwaakomiʼtsimiaawa iihtáóhpommaoʼpi, áakáísstsaakatohsiyaawa, áakáísspihkaʼsiyaawa, áakohtáóksiʼpoyiyaawa naatowáʼpiistsi, máátáakaanistaiʼtoyiiyaawa ónnoaawaiksi ki oksísstoaawaiksi, máátáakainiiyiʼtakiyaawa, máátáakaisstakaanaʼpssiyaawa, 3 máátáakaikimmotsiiyiyaawa, máátáakaisapistotootsiiyiyaawa, áakohtáísayiipitsiitsinikiyaawa stsíkiksi, máátáakayiitsiihtaayaawa, áakáísstonnatsskaʼsiyaawa, máátáakawaakomiʼtsimiaawa sokáʼpiiwa, 4 áakáípsstsiksistotootsiiyiyaawa, áakaawáttsitsiihtaayaawa, áakoʼtsitskítsiiyihkaʼsiyaawa, máátáakawaakomimmiiyaawa Iihtsipáítapiiyoʼpa áaksstáánawaakomiʼtsimiaawa ááhkáíʼtaamaʼpsssaawa, 5 áakáwaatoyihkaʼsiyaawa nóóhkssawómanaʼpiiiwa otanistáwaatoyihkaʼsspiaawa áakitáíssaʼtsiiʼpa otánistaʼpaisspiaawa; ki ámoksska áakáóhsaaatayaawa. 16 Kanaatóyssínaakssiistsi iihtóʼtstsiiyaawa Iihtsipáítapiiyoʼpa ki iihtssokáʼpiiyaawa ááhkohtáíssksinimaʼtstohkioʼsi, ááhkohtáíiyiksskakioʼsi, ááhkohtáíkamoʼtsipoʼtakioʼsi, ááhkohtáíkamoʼtssiimohkioʼsi, 17 amá nínaawa iitáómaiʼtakiwa Iihtsipáítapiiyoʼpa máátáakitstsiiʼpa otsitáísaahksspi, áaksopoyaʼpssksinima kanáómiaʼnistssokaʼpoʼtakssiistsi.