Matthew

7 Omaanistáókamaniik, kitáakitohkottsspoaawa; omaanistáʼpaissaʼtsik, kitáakitohkooniiʼpoaawa; omaanistáísttokiaakik, kitáákitsikayinnamootsspoaawa; 12 “Kanitáístsiistsi, kitáísstataiksi nínaiksi kitááhkanistáístotoyssoaayi, kiistówaawa niʼtóyi kitáaksstsinaoʼohkáttanistáístotoawaayaawa. Ámohka issksinimáʼtstohkssini iihtsíístapitstsiiyaawa Okákihtsimaani ki iihtsikáyissaniiyaawa Áíkayissitsinikiiksi. 13 “Kakó iihtsipíít iiksíkkiiwa iihtáípioʼpi; tská iikopákiiwa mohsokóyi ki iihtáípioʼpi, itápohsokowaʼsiwa áánooksiksistotakssini, ki iikakáítapii iihtáípiimmiaawa; 14 ki itápohsokowaʼsiwa omanistáípaitapiiyssini ámohka iiksíkkiiwa mohsokóyi ki iihtáípioʼpi ki naamónnatsitapii áakohkoonimiaawa. 15 “Áísskskámmisaawa áísayiipitsiikáyissitsinikiiksi iihtáísiʼkioohsiyaawa ómahkihkinaotokísa nóóhkanistápssiyaawa onóótsskiiksi makóyiiksi. 16 Kitáakanistonoawaayaawa otánistaʼpaissaawa. Matápii kítai’toyʼssatsiiyaawa iimatáípakkihkaistsi iksstsáʼpiistsiistsi tsááhtaoʼ kítai’toyʼssatsiiyaawa figs isttstsíssiiksi? 17 Niʼtóyi, oyʼssátaiksi matsowáʼpiistsiiksi iitóyʼssoʼpa matsowáʼpitsííyipokoiʼnssimaani, kaniitáístsiistsi ákaokaʼpihtsimi miistsísa áakohtóyʼssoʼpa máátohtohkoyikioʼpa itsííyipokoiʼnssimaani. 18 Matsowáʼpiistsísa máátáóhkottohtssaisskiiwa máátohtohkoyikioʼpa itsííyipokoiʼnssimaani, ki ákaokaʼpihtsimi miistsísa máátáóhkottohtssaisskiiwa matsowáʼpitsííyipokoiʼnssimaani. 19 Kaniitáístsiistsi miistsííksi máátohtáísaisskiiwa matsowáʼpitsííyipokoiʼnssimaani áíkaʼkiaayaawa ki iitohtáótotooʼpiaawa. 20 Niʼtóyi noohkáttánistsiiwa ámoksska nínaiksi, kitáákohtonoawaayaawa otánista’paissaawa. 21 “Máátáakohkanitáípiimmiaawa Okákihtsimaani iitststííwa sspóóhtsi ámoksska áwaaniiksi ‘Áókakihtsimawa, Áókakihtsimawa,ʼ ánnahka áwaanistáíʼtsima Kínninnoona iitáʼpaissiwa sspóóhtsi otsitsííhtaani áakitsipiimma. 22 Akáítapiiyaawa áakáwaaniiyaawa ánnikaaki ksiistsikóyi: ‘Áókakihtsimawa, Áókakihtsimawa, nítaoʼohkohtáíkayissitsinikihpinnaana kitsínihkaʼsimi, ki nítaoʼohkohtáísaipo’toawannaani makáʼpatoʼsiiksi kitsínihkaʼsimi, ki nítaoʼohkohtáísskonataʼpoʼtakihpinnaana kitsínihkaʼsimi?ʼ 23 Ki nitáakitaanistayaawa: ʼKimáátonawaissksinoohpoaawa! Míístapáaakkik, kimáátáíkamoʼtaʼpoʼtakihpoaawa!ʼ 24 “Ámohka áyisstsiiwatooma ki áísapaátooma nitsíʼpowahsiistsi áakiʼtománistsiiwa nínaawa okákiwa, iitohkitáʼpistotsima ookóówani óóhkotoki. 25 Ki iitáómataawa ki itóʼkakoyiwa ki ookóówani iitohtsíssiniiʼpa sstonátssopóyi, nóóhkssayisikkohpiʼwa, tská iitohkitáʼpistotsiiʼpa óóhkotoki.